JAMITA MINGGU 30 APRIL 2023
MARLAS NI ROHA ALA NI PANGARAMOTION NI DEBATA
Psalmen 100:1-5
Minggu Jubilate
TURPUK
Olophon ma Jahowa, ale sandok tano on! Oloi hamu ma Jahowa marhitehite las ni roha, ro be ma hamu tu joloNa marhitehite olopolop. Boto hamu ma on: Jahowa do Debata; Ibana jumadihon hita, jala Ibana nampuna hita, bahen bangsoNa dohot birubiru pinarmahanNa. Bongot i hamu ma angka bahalNa marhitehite hamauliateon, angka alamanNa marhitehite pujipujian, mauliate ma rohamuna tu Ibana, puji hamu ma goarNa. Ai pardengganbasa do Jahowa, ro di saleleng ni lelengna do asi ni rohaNa, jala marsundutsundut do hasintonganNa.
PATUJOLO
Buku Psalmen di hata Heber didok Mizmor, i ma sada buku na marisi angka ende pujipujian manang tangiang na diendehon mardongan uninguningan. Tarmasuk sada buku na gumanjang Psalmen on di Bibel Padan na Robi, pola sahat tu 150 bindu. Sian na 150 bindu i, 73 bindu ma i na sinurat ni Raja Daud, 12 bindu na sinurat ni Asap, 11 bindu na sinurat ni angka anak ni si Kora, 1 bindu na sinurat ni si Musa, 2 bindu na sinurat ni Raja Salomo, 1 bindu ma na sinurat ni si Heman, jala 50 bindu na so binoto tangkas ise panuratna.
Turpuk ni jamitanta sadari on, i ma Psalmen 100 masuk ma i tu horong ni na so pola binoto tangkas ise panuratna. Psalmen bindu 100 on marisihon joujou laho mamuji Debata di bagasan olopolop dohot las ni roha, ala sude pambahenan ni Debata di bangso na pinillit ni Debata sian saluhut bangso.
Psalmen 100 marisihon angka ende asa pasahat pelean hamauliateon di bagasan olopolop marhite pamujion di bagas joro ni Debata. Mamuji Debata i ma panombaon ni angka na porsea laho pataridahon pamujion ni sasahalak manang punguan maradophon Debata.
HATORANGAN
1. Mangolophon jala Mangoloi Debata (ayat 1-2)
Turpuk ni jamitanta sadari on, pasahathon dua parsiajaran tu ngolu ni na porsea, i ma: Joujou asa mangolophon Debata jala pasahat hamauliateon (ayat 1-2 dohot 4) jala sibonsiri asa mamuji Debata (ayat 3 dohot 5). Di ayat 1-2 marsaringar situtu do joujou laho mangolophon Jahowa tu sandok tano on. Panjouon i dibuhai dohot pandohan, "olophon ma Jahowa, ale sandok tano on!" Olopolop marhite soara na gogo sian sandok tano on tu Jahowa. Jahowa i ma songon na didok di 2 Musa 3 ayat 14 "Ahu nuaeng Ahu Sogot." Ibana do Tuhan ni saluhut.
Buku Psalmen on dibuhai marhite panjouon tu sandok tano on laho mamuji Jahowa tu bangso ni Debata hatiha i. Alai dohot do joujou on sahat tu tingki di hita nuaeng on sahat tu tingki na naeng ro sahat ro di Maranata (Na ro ma Tuhanta) tongtong do dijou hita asa mamuji Debata. Joujou pamujion i diuduti do muse dohot pandohan: Oloi hamu ma Jahowa marhitehite las ni roha, ro be ma hamu tu joloNa marhitehite olopolop (ayat 2). Mangoloi Jahowa di hata Indonesia didok beribadahlah kepada Tuhan. Ibadah lapatanna marsomba, unduk, patutoru diri tu jolo ni Debata.
Joujou asa mangoloi manang beribadah tu Debata ndada ala na ringkot manang porlu hita di Debata, alai ala i do lomo ni rohaNa. Ingkon sipangoloi do jolma i di Ibana jala olo pasahathon diri marhalado di joloNa. Mangoloi Debata ndada holan marhite haundukon ni jolma i di joloNa marhite na mangulahon angka hasomalan ni na ma marugamo, alai lobi sian i do, ingkon pasahathon diri tu Debata, mangoloi Ibana sian nasa roha, sian nasa ateate dohot sian nasa gogo. Lapatanna, ingkon tabahen jala tahangoluhon do Tuhan i di ginjang ni ginjang an jala di langit ni langit an.
2. Mangarajumi pangaramotion ni Debata (ayat 3)
Didok di ayat 3 "Boto hamu ma on: Jahowa do Debata; Ibana jumadihon hita, jala Ibana nampuna hita, bahen bangsoNa dohot birubiru pinarmahanNa." Asa unang lipe hita mamuji Debata, ingkon holan tu Debata Jahowa do. Holan Jahowa do Debata, ndang adong dungkon ni Jahowa. Ndang jadi bahenon debata na asing gabe si sombaon, ai Jahowa do na marhuaso di saluhut inganan dohot tingki. Ibana do na jumadihon dohot nampuna jolma jala mamillit jolma i bahen bangsoNa dohot birubiru pinarmahanNa. Ndada jolma i na mamillit Debata. Didok Jesus, "ndada hamu na mamillit Ahu, Ahu do na mamillit hamu jala Hupadiri hamu, asa laho hamu marparbue, jala asa mian parbuemuna i; asa dilehon tu hamu nasa si pangidoonmuna sian Ama i marhitehite goarHu (ida Yohanes 15:16). Marhite i ma Apostel Petrus manurat: Alai marga na pinillit do hamu, hamalimon na raja, bangso na badia, houm na ginomgomanNa, asa tung dibaritahon hamu denggan ni harohaon ni Ibana, naung manjou hamu sian na holom tu hatiuronNa halongangan i (ida 1 Petrus 2:9). Ala Jahowa do jumadihon dohot nampuna hita bahen bangsoNa dohot birubiru pinarmahanNa, sian i tangkas taboto paboa Jahowa di bagasan Jesus Kristus do na manarihon jala mangaramoti ngolu pardagingon nang partondionta.
Marhite ayat on tangkas ma taboto holong ni roha ni Debata di huriaNa songon birubiru pinarmahanNa. Jesus do Parmahan na Denggan na manogu dorbiaNa tu jampalan na lomak, manogu tu aek na tio, pasabam roha ni na pinarmahanNa. Dison ma tangkas pangantusion ni halak Kristen na mandok Providentia Dei (pangaramotion ni Debata) di sandok hajolmaon dohot di nasa na tinompaNa.
Na gabe sungkunsungkun di hita, tung tangkas do taboto i? Ai didok do, "boto hamu ma on." Lapatanna, ingkon taboto do i, sotung so diboto. Halak na umboto paboa Jahowa do Debata, na jumadihon jala paojak huriaNa manang bangsoNa, na pinarmahanNa, patut ma antong ibana marlas ni roha jala mamuji Debata huhut pasahat pelean hamauliateon bahen hasangapon di Debata.
3. Mamongoti bagas ni Debata mardongan hamauliateon (ayat 4)
Didok di ayat 4, "Bongoti hamu ma angka bahalNa marhitehite hamauliateon, angka alamanNa marhitehite pujipujian, mauliate ma rohamuna tu Ibana, puji hamu ma goarNa." Dihara parpsalmen do luhutan asa mamuji Debata tu inganan parsaoran na badia manang bagas joro asa bongot ma sian pintu harbangan. Ingkon sian harbangan i do dalan masuk tu bagas joro i. Ndang targoar na laho mamuji Debata bongot sian asing ni harbangan i, ai panangko do i dohot pamangus (patudos Johannes 10:1). Borhat sian on ma didok di endenta, "Ungkap bahal na ummuli, bagas ni Debatangki. Ai tusi do au naeng muli ganup jumpang Minggu i. Hulului do disi bohi ni Debatangki" (ida di Buku Ende nomor 18 ayat 1). Digohi Jesus ma turpuk on, mandok "Ahu do pintu i. Paluaon do ganup na bongot sian Ahu; na laho bongot jala laho ruar ma ibana, dapotan jampalan" (ida Johannes 10:9).
Laho mamongoti bahal i, ndang bolas tangan mangambe (tangan kosong) alai ingkon mangusung hamauliateon do. Di hitaBatak somal do didok, "Molo laho ho tu huta ni tulang, unang ho mangeal." Sian pandohan on antusanta ma paboa molo bongot hita tu joro ni Debata ingkon mardongan pelean hamauliateon do bahen pamujion na tau hasangapon di Debata.
4. Puji ma Debata (ayat 5)
Didok di ayat 5, "Ai pardengganbasa do Jahowa, ro di saleleng ni lelengna do asi ni rohaNa, jala marsundutsundut do hasintonganNa." Turpuk on dipasimpul do marhite ala manang sibonsiri boasa tung pola ingkon mamuji Debata, na parjolo, pardenganbasa do Jahowa; na paduahon, ro di saleng ni lelengna do asi ni roha ni Jahowa; jala na patoluhon marsundutsundut do hasintongan ni Jahowa.
HAHONAAN
Marhite turpuk jamita di Minggu Jubilate, 30 April 2023 sadari on, dipaingot do tu hita asa manghangoluhon:
1. Jahowa di bagasan Kristus do Debata. Dialah Keberadaan yang Maha Sempurna, yang ada oleh diri-Nya sendiri, dan mahamencukupi, serta sumber dari segala yang ada. Dialah Allah, bukan manusia seperti kita. Dia adalah Roh kekal, tidak terpahami dan tidak bergantung pada siapa pun, penyebab pertama dan tujuan terakhir. Bangsa kafir menyembah makhluk ciptaan khayalan mereka sendiri, manusialah yang membuatnya, dan oleh karenanya itu bukan Allah. Kita menyembah Dia yang menjadikan kita dan seluruh dunia. Dialah Allah, dan semua yang mengaku-ngaku sebagai ilah hanyalah kesia-siaan dan dusta, dan ilah-ilah demikian telah ditaklukkan-Nya.
2. JAHOWA do Debata na tumompa hita dohot nasa na adong. Dia mempunyai hak kepemilikan yang tidak dapat diganggu gugat atas kita dan atas segala sesuatu. Milik-Nyalah kita, untuk digerakkan oleh kuasa-Nya, diarahkan oleh kehendak-Nya, dan diabdikan demi kehormatan dan kemuliaan-Nya.
3. JAHOWA di bagasan Jesus Kristus Raja Namanongtong, na berdaulat: Didok Jesus: “…Nunga sahat tu Ahu nasa huaso na di banua ginjang dohot na di tano on” (Mat. 28: 18). TUHAN ialah Hakim kita; TUHAN ialah yang memberi hukum bagi kita. Kita tidak bebas berbuat semau kita, tetapi harus selalu dengan kesadaran nurani berbuat sesuai dengan apa yang diperintahkan.
4. JAHOWA do na sumarihon ngolunta. Kita bukan hanya domba-domba-Nya, yang ada dalam kuasa-Nya, melainkan juga kawanan domba gembalaan-Nya, yang ada dalam pemeliharaan-Nya. Kawanan domba yang diberi-Nya makan (begitu kita bisa membacanya), dan karena itu merupakan kawanan domba tuntunan tangan-Nya, untuk digunakan oleh Dia, karena kita kawanan domba gembalaan-Nya (95:7). Dia yang menjadikan kita memelihara kita, dan memberi kita segala sesuatu yang baik secara berkelimpahan untuk dinikmati.
5. Pardengganbasa do Jahowa, ro di saleleng ni lelengna do asi ni rohana, jala marsundutsundut do hasintonganna (ay. 5): TUHAN itu baik. Oleh sebab itu apa yang diperbuatnya baik. Kasih setia-Nya untuk selama-lamanya. Kasih setia-Nya adalah mata air yang tak akan pernah kering. Orang-orang kudus, yang sekarang menjadi bejana-bejana kasih setia yang dikuduskan, akan menjadi tugu-tugu peringatan kasih setia yang dipermuliakan sampai pada kekekalan. Bahwa Dia adalah Allah kebenaran dan kesetiaan yang tak tergoyahkan: Kesetiaan-Nya tetap turun-temurun, dan tidak satu pun dari firman-Nya akan jatuh ke tanah menjadi usang atau ditarik kembali. Janji ini pasti bagi semua keturunan, dari masa ke masa. Amen. (bs)
Posting Komentar