Jamita Minggu 31 Maret 2024 Paskah na parjolo tarsurat di buku Jesaya 25 ayat 6-9. Tapabagas ma pangantusionta taringot tu turpuk ni Jamita on. Hombar tu Almanak ni Hurianta dibahen ma ojahan ni Jamita "Marlas ni Roha Ala ni Haluaon na Sian Jahowa." Rap ma hita mangihuthon hatoranganna.
Pendahuluan
Sadarion ima perayaan na umbalga di saluhut perayaan ni ugamo Kristen. Digoari do minggu sadari on “Paskah” (hamonangan) maralohon “hamatean”. Molo di bukku Padan na Robi didok “Malua sian hamatean” Paskah Parjolo na di Misir. Marhite mudra ni biru biru I, gabe malua saluhut bangso Israel sian hamatean I di Misir. Dipadan na Imbaru: Marhite Mudar ni Kristus na d urus I, gabe hasesaan ni dosa ni portibion, jala marhite haheheonNai, gabe taruli haheheon saluhut jolma sian hamatean i.
Pembahasan
Diparade Debata dibagasan Krustus do “Haroan/Perjamuan” tu saluhut bangso (6-7)
Debata do mual ni hangoluan. Ibana do haroan ni sipanganon dohot si inumon na singkop mambahen las ni roha dohot parolop olopon ni saluhut jolma. Molo ujui di Padan Na Robi holan tu bangso Israel dope dipasahat Debata pasupasuNa marhite susu dohot situak n i loba, alai dibagasan Kristus naung ro tu portibion, gabe “saluhut bangso” taruli/mandai di pasupasuNa (sipanganon dohot siinumon) na massai taboi. Dung I “pasisionna ma di dolok on hire hire na hinukkuphon tu saluhut bangso dohot panghuphupi na hinungkup hon tu saluhut parbegu”. Ndang be holan Israel na gabe bangso ni Debata, alai nunga saluhut bangso di tano on gabe anak dohot boruNa. Ai nungga di pasiding Ibana hire hire na mangkupkupi saluhut bangso na digoari hatihai bangso parbegu. Mateus 27: 51a “ La os dinasatongkin i maribak ma hire hire na dibagas joro i sian ginjang ro di toru”. Na masa on uju di na tos hosa ni Tuhan Jesus di hau pinorsilang I. Ibana ma gabe pelean tobus ni saluhut bangso na di portibion. Lapatanna hamateanNa I ndada holan tu halak Israel alai tu saluhut jolma na di portibion do.
Ndada holan sipanganon pardagingon diparade Debata dibagasan Jesus Kristus alai dohot do sipanganon partondion na gabe hangoluan namanontong saleleng ni lelengna. Jala saluhut na mangan dohot namanginum i, naso tupa be male jala mauas ro disaleleng nilelen gna. Ai dibagasan Jesus Krstus do Sipanganon dohot siinumon na tu hangoluan i. didok Jesus Kristus di ; Mateus 26:26 28 … Jalo hamu ma, pangan hamu ma, dagingku do on… , sude hamu manginum sian on, ai mudarHu do on… Daging dohot mudra ni Kristus ido na gab e hangoluan ni saluhut jolma.
Dibagasan Kristus naung hehe I, ndang adong be hamatean dohot arsak ni roha
Hamatean do tohap ni jolma hinorhon ni dosa ni si Adam na parjolo i. Alai marhite haheheon ini Kristus I, gabe saluhut jolma taruli di haheheon nabalga i. 1 Korintus 15: 20: “Alai anggo so dipahehe Kristus i sian na mate, magopo ma haporseanmuna jala tong d ope hamu dibagasan dosamuna”. Marhite haheheon ni Kristus sian na mate i, Ibana do parjolo ni angka na monding I. Biar na umbalga di jolma ima hamatean. Sude do jolma pasiding hamatean i. Alai di hata ni endenta No.520:2 “Ndang na tarpasiding be anggo hama tean I, ingkon do dibalus be, di na lao tu surgo I”. Lapatanna ingkon marujung do ngolutta sian portibion, alai paheheon ni Debata do hita songon Kristus naung jumolo hehe I lao manopot hangoluan namanongtong i. Ndada hamatean I be ujung I ngolutta, alai h angoluan namanongtong nunga diparade Debata diangka naung mangan dohot minum dibagasan daging dohot mudar ni Kristus. Bondutonna ma hamatean saleleng lelengna jala apusan ni Tuhan Jahowa ma ilu ilu sian nasa bohi… On ma padan ni Debata di ngolu ni saluhut jolma.
Kesimpulan dan Refleksi
Di endenta no. 251:1 “ Namonang ido na muse manganhon parbue ni hau hangoluan I, ndang jadi idaonna hamagoan, nang hamatean paduahon I. Ende on naeng paingothon hita paboa: Holan halak namarpanindangion: Ida ma on do Debatanta, naitahaposi, namangurupi hita, dison do Jahowa naitahaposi. Marolop olop ma hita jala marlas ni roha mida hatuaonNai. Dipatupa Debata dibagasan Jesus Kristus do haluaon tu saluhut bangso marhite namana rihon sipanganon dohot siinum dingolu pardagingon. Jala laos dipelehon do dagingNa tu hamatean lao manobus hita sian dosa dohot hamatean na jorbut I, asa unang hamatean I na gabe jambarta. Laos ido na gabe sulingkiton diganup hita: Nunga taparhatopot asi dohot holongNa I dibagasan ngolutta?Tabahen do IbaNa gabe haporusanta? Patandahon naung marolopolop hita mida jala manghilalahon hatuaon naung pinamasa ni Debata dingolutt a, tapuji jala tasomba ma Ibana diganup panggulmiton ni ngolutta. SELAMAT PASKAH…… HORAS
Posting Komentar