Jamita Kamis Putih 28 Maret 2024 tarsurat di buku Johannes 13 ayat 1-17. Tapabagas ma pangantusionta taringot tu turpuk ni Jamita on. Hombar tu Almanak ni Hurianta dibahen ma ojahan ni Jamita "Jesus Gabe Tiruan di Hita." Rap ma hita mangihuthon hatoranganna.
Pendahuluan
Marragam do dalan dibahen Jesus laho pabotohon ulaonNa di portibion, i ma paluahon jolma pardosa i. Marhite angka Jamita na marsahala, pamalum angka na marsahit, nang patupahon ragam ni halongangan. I ma dalanNa pabotohon paboa Ibana do Mesias Sipalua naung pinarbagabaga marhite angka panurirang di Padan na Robi.
Saleleng mangula di portibi on, dipatupa Jesus do angka pambahenan na denggan dompak angka na torop, rade do Ibana manghobasi jala mangurupi angka na pogos dohot na gale di bagasan holongNa na so hadodoan. Ingkon saluhut jolma i taruli di Barita na Uli, ingkon sude do umboto naung ro Jesus Kristus tu portibibon laho paluahon jolma pardosa.
Sada pangajarion na ingkon siingoton ni angka siseannNa, i ma uju diburi Jesus pat ni angka sisean i. Turpuk ni Jamita sadarion manurathon taringot tu na diburi Jesus pat ni angka siseanNa jala panghorhonNa di halak na porsea.
Pembahasan
Dibaritahon do na rap Jesus dohot angka siseanNa di sada inganan laho mamestahon pesta Paska. Ari Paska di halak Israel i ma sada ari rea na balga. Dipestahon nasida i bahen parningotan di haluaon na pinatupa ni Debata, i ma na mamboan bangso Israel ruar sian tano parhatobanan Misir. Marlas ni roha situtu do halak Israel ala dipalua Debata bangsoNa i sian gomgoman ni si Firaun, raja ni Misir naung leleng marhatobanhon halak Israel.
Di Pesta Paska na pinatupa ni Jesus nunga diboto Jesus naung jonok nama tingkina manadinghon portibi on Ibana laho mandapothon Ama i. Jala ingkon marsitaonon do Ibana marhite hau pinarsilang laho paluahon jolma pardosa. Masa i saluhutna ingkon marhite hau pinarsilang. Dipatupa Ibana ma panghobasion di Paskah I na gabe sitiruon dohot siingotan ni angka siseanNa. Uju mangan nasida manghalashon sipanganon Pakah I hehe ma Ibana sian na mangan I, di tanggal ma ulosNa dibuat ma basahanNa, ditapolhon ma tu Ibana. Diusehon ma aek tu sambong, dungngi diburi ma pat ni angka siseanNa, diapusi ma dohot basahan na tinapolhonna i. adat na mamuri pat nungnga somal diulahon halak Jahudi. Isarani molo adong sada ulaon pesta di sada jabu, ingkon paradeon ni parjabu I do aek pamurian ni. Angka tondong na ro mandohoti ulaon i, marhite na mamuri pas tanggal ma angka na kotor na boi mambahen ramun ulaon pesta i. angka hatoban ni na marpesta I ma disuru laho mamuri pat ni angka tondong na ro tuulaon i. Molo pe dipatupa Jesus na mamuri pat ni angka siseannNa I, ndada na manggantihon ni ulaon sahalak hatoban Ibana, alai naeng mangajari angka siseanNai di tugas na ingkon ulahonon nasida ima asa gabe parhobas na burju mamaritahon barita nauli i. Gabe hatoban (Hamba) ni Tuhan I ringgas laho mambboan barita nauli I tu saluhut angka jolma na humaliang nasida. Ingkon olo nasida patutoru diri huhut ringgas manghobasi, ima gabe hataridaan ni nasida naung manghaholongi Tuhan I, jesus na mamuri pat ni angka siseanNa I, laos martudu-tudu doi ima marhite Jesus na tarsilangngi diparade Debata do hasesaan ni dosa na olo porsea tu Debata.
Saluhutna do angka na porsea I ditonahon Tuhan Yesus asa rade manghaholongi donganna jolma tarlumobi manghaholongi Debata. Holong ni roha I dang sae holan dihata. Alai ingkon do diulahon. Diparsaoran di ngolu siganup ari, molo mian angka na porseai diholong ni roha, jumpang ma parsaoran na denggan manghorhon dame dohot sonang ni roha, alai sebalikna molo so adong roha holong. Masa na marsiadu patimbo diri maradophon donganna, ujungna segama parsaoranna dohot angka donganna. Gabe masa hagunturon. Holong ni roha I ingkon dihangoluhon so pala marnida tingki dohot marnida bohi songon naung diulahon ni Tuhan Jesus i. Songon pangkaholongina di angka na di Ibana na di portibion, laos songon I do dihaholongi nasida ro di ujungna. Rade do ibana sumeahon dirina ala ni pangholongi di saluhut jolma. Angka na olo mangihut Ibana. Tajamothon ma dirinta unang be masa harohaon songon si Judas Iskariot na marparbuat holongna dompak Jesus roha mago do mian dibagasan ngoluna. Ala dioloi ibana ela-ela sibolis I asa olo manjehehon Tuhan Jesus. Hu do rohana manggadis Tuhan Jesus tu angka malim naung marsogo ni roha mida Jesus, as alma dapot pangomoan dirina. Taboto do ujung ngolu ni si Judas Iskariot gabe mate maningkot. Asa hasusaan do jambar ni angka na mian dibagasan ginjang ni roha, na marroha diri, alai las ni roha do jumpang molo mian dibagasan holong ni roha.
Sanga do dijua si Simon Petrus ualon ni Tuhan Jesuss, laho mamuri patna. Didok. Ale Tuhan tung ho ma mamuri pathu? Dang ruhut ni napatut roha ni si Petrus na binahen ni ni Jesus, Guru mamuri pat ni hatobanan . panjuaonni si Simon Petrus tarjalo roha doi, ala dang tangkas dopr diboto ibana nanaeng masa tu Tuhan Jesus gurunai. Di papos Tuhan I ma rohani si Simon Petrus uju dihatahon tu Ibana. Dang diantusi ho anggo pambahenan na nuaeng. Muse pe botoon mu i. godang do tutu angka pandohan ni Tuhan Jesus sai songon tekateki maol diantusi angka sisean ni. Dung pe mate Tuhan Jesus jala mulak mangolu muse, disi ma diantusi angka sisean ni angka hata naung dihatahon Jesus hian. Sahali nai ro hata panjuaon sian si Petrus. Ai ninna Ibana:matua tanoon ndang burionmu pathu. Dang dapot rohana gabe songon hatoban Jesus I di ibana molo sanga diburi patna. Dungngi ninna Jesus ma mangalusi ibana:molo so burionku ndang partohap ho di Ahu. Pamurian na binahen ni Jesus ndada holan tiruan naeng patupaon ni angka siseanNa i. Pamurian ni pat na pinatupa ni Jesus dompak angka siseanNai. Pabotohon muse na parsidohot do angka sisean ni muse tu haleaon ni Jesus laho manghokop jolmai. Dungngi didok si Simon Petrus ma: Ale Tuhan unang ma holan pathu dohot ma tangan. Dohot ma ulungku. Gabe didok Jesus ma Tu Ibana. Halak naung maridi I ndaingkon be burion ai nungnga sude ibana ias.
Asa dung diburi Jesus patnasida dipangke ma muse ulosna hundul ma Ibana laho mangajari angka siseanna I taringot tu pamurian naung pinatupani Jesus. Unang sai sungkun-sungkun roha ni nasida diguruna I na patupahon na so pas di roha ni angka siseanna i. suhar di roha ni angka sisean ni pambahenan ni guru nai disungkun Jesus ma tu angka siseanna i: ai diantusi hamu do pambahenan kit u hamu? Di goar hamu do au guru jala Tuhan, jadi ture do pandok muna disi; ai ido Ahu tutu. Asa molo Ahu Tuhan jala Gurumu, mamuri patmuna, taa nang hamu masiburian pat. Sitiruon do helehon tu hamu, asa dibahen hamu songon na hubahen nit u hamu.
Kesimpulan dan Refleksi
Ulaon ni Tuhan Jesus Kristus ssaleleng mian di portibion, gabe tiruan na sempurna tu hita angka ruasNa. diholongNa dompak jolma songon I nang dompak Debata. Dang holan di hata Ibana manghaholongi, alai sahat do nang tu pambahenanna tung rade do Ibana patupahon nasa ulaon na denggan dompak angka jolma na rade mangihuthon Ibana. Ringkot ma patupaon songon naung tinonahon ni Tuhan Jesus tu hita, asa rade hita dibagasan toruk ni roha patupahon angka nadenggan dompak angka donganta. Ta hilalahon do di partingkian saonari na naung lam jorbut pangalaho ni jolma, ala lam ngali be holong ni roha. Marsiadu jolma I patimbo diri, mangahut na hombar tu dirina be, so parduli be tuangka donganna.humalian. harohaon na martoruk ni roha tung maol jumpang dipartingkian nuaengngon. Laos di tongatonga hita parhalado nang dohot pandita jotjot dope masa marparange na patimbo diri. Parhobas na burju jala na martutoruk ni roha nungnga maol jumpang. Jotjot masa Guntur huria alani pangalaho na sai girgir patimbo diri di tongatonga Huria. Taingot ma naung di palua dohot dipaias Tuhan I do ngolunta sian ihot ni dosa maehite mudarna durus di Dolok Golgata. Marhabadiaon ma hita ai na badia do Debata na manjou hita na ruar sian haholomon tu hatiuron. Martoruk ni roha jala hobas ma hita mamaritahon barita nauli I, asa tung sude umbotosa haluaon i holan dibagasan Tuhan Jesus Kristus. Jala manang ise na mangihut tu Ibana gabe taruli haluaon i. Amen.
Posting Komentar