Jamita Minggu 5 Mei 2024 Minggu Rogate tarsurat di buku Mateus 7 ayat 1-11. Tapabagas ma pangantusionta taringot tu turpuk ni Jamita on. Hombar tu Almanak ni Hurianta dibahen ma ojahan ni Jamita "Pangido ma Sai na LehononNa do." Rap ma hita mangihuthon hatoranganna.
Pendahuluan
Horas ma dihita saluhutna, Marhite turpuk naung tabege jala tajahahon sian Matius 7:1-11 on. Mungkin muncul dibenaktabe taringot tu turpuk on ima “Oh nga sering on atau nga hea on”. Nga niattusan be tu dia pahembangkon on. Di Minggutta, Minggu Rogate, namarlapatan Martangiang. Jala marojahan tu hita di minggu on “Pangido ma sai na lehononna do”. Dison do dipertegas bahwasannya, Ndang adong halak Kristen naso Umboto martangiang, bahkan na jarang marminggu pe/ na jarang martangiang pe, diboto do martangiang. Parsoalanna naso apala ungkap do rohana martangiang. Ido umbaen boe didok godang do halak naung Kristen, alai ndang mananda Debata. Godang akka jolma na malo, namaragama alai dang mananda Debata. Godang akka jolma na malo, na maragama alai maol porsea tu pangajarion , dohot tu hata ni Debata. Boe ma taida, godang dope na bangkol mangoloi martangiang isarana molo dipangido di sada parpunguan, partangiangan, atau ibadah. Taringot tu turpuk on dipabotohon do tong tu hita, boha do/songon dia do halak Kristen martangiang, jala songon dia manghangoluhon akka naung tapasahat i marhite tangiang i.
Pembahasan
Mateus 7:1-11, Dison diajarhon Tuhan Jesus do tu hita , boha do hita ikkon manjaga pangalahotta, marhonaan tu hasalahon-hasalahon ni jolma (dongatta). Ungkapan ni Debata Marhite Mateus dipabotohon ma on gabe hata sipaingot tu akka siboto surat, dohot halak Farisi na karas, akka panghuaso na jat, na ginjang rohana, akka pamburai/na di tikki mamurai akka jolma, dohot akka joma na juit (songong) na selalu patingkoshon dirina. Alani didok Debata do hata poda/ sipasingot marhite na pinabotohon ni turpuk on tu akka panjaha huria na parjolo on, nang tu hita di partikkian nuaeng. Sada poda marumang parenta sian Jesus, ima “Unang hamu manguhumuhumi, asa unang hona uhum hamu” (Ay 1). Adong do memang jolma na martugas manguhumi, songon Hakim di hita manisia (Panguhum). Alai hakim (panguhum) na sintong ima Debata. Ai panguhum na adong di portibion mansai mura do memutar balikhon hasintongan (hukum) diportibion.
Rarangan tu manguhumi dipabotohon do dison tu akka jolma perorangan (secara pribadi) dohot tu akka sisean. Molo taida di pasal sebelumna, nunga diajari Jesus angka sisean I taringot tu manesa dosa, Mat 6:12, sesa ma dosanami songon panesanami di dosa ni angka na mardosa tu hami. Sian I bo berengonta songon dia do jolma boe marsisesaan dosa molo sai olo dope manguhumi dongan na. Songon dia ma Debata manesa dosa ni sasahalak molo ibana sandiri pen dang olo manesa dosa ni donganna (Mat 7:1). Sian zaman Jesus nunga adong nadigoaran “Geng Gosip”. Manang tu di ape lao Jesus pasti didohoti akka komentator, provokator, ima halak Farisi, Siboto surat, halak Saduki na mambuntuti. Dang na laho marsiajar, alai lao mambabbab, “bukan untuk belajar tapi untuk menghajar”.
Sarupa mai songon piga-piga halak na di akun sosmed na mangikuti (follow Fb hamba-hamba Tuhan), artina dang na laho marsiajar alai laho manghajar. Didohoti halaki manang tu dia Jesus Lao, asa mangalului hasalahan ni Jesus, manguhumi Jesus. Mambaritahon akka barita na so suman /memprovokasi laho padabuhon Jesus. Songoni tong di tikki manukkun nasida , ndang na lao asa diattusi nasida taringot tu hatai, alai lao menjebak Jesus do nasida marhete sungkun-sungkun i. Yoh 8:3-6, on ma salah satu contoh perikop di Bible na mansaritahon siboto surat, halak Farisi laho padabuhon Jesus, laho manguhumi Jesus. Alai boha do respon ni Jesus manghadopi akka jolma na toxic?. Jesus bersikap cuek aja, songon di dok di umpasa I; “Biarkanlah anjing mengonggong, Kafilah berlalu. On ma parsiajaran sian Jesus manghadopi akka pangkataion negative na dibahen jolma tu hita di parngoluatta. Songoni tong di masa nuaeng ima sosmed, unang gabe olo hita halak Kristen tarrumang, gabe tubu accit roha apalagi sampe mambalashon akka pangalaho na sian jolma, apalagi sampe manguhumi. Alana molo na gabe manguhumi do ta ulahon,songon na nidok di hata I, sarupa ma parangetta dohot angka jolma si songon i.
Sada do sidalian boasa diorai jolma manguhumuhumi?. Didok “asa unang hona uhum hamu”. Jolma na sai olo manguhumi donganna, mangarajumi dirina dang salah (sipaling tingkos), ibana do sogot hona uhum. Dang sian dongan na jaloonna, alai sian Debata. ai Debata do paruhuman na sintong. Dumokdok do uhum tu jolma na olo mambahen songoni. Molo hita manguhumi donganta, sae do I holan diportibion alai molo Debata manguhumi hita siala pangalaho I tung mansai dokdok sijaloonta. Ingkon tangkas do tatanda dirinta , hagaleonta, hahurangan, dohot lan na asing asa talup mannada donganta. Unang tatudu hasalahan ni dongan laho manghuphupi hasalaanta.
Aha na ringkot di ngolu ni jolma rade do dibaen Debata, alai ndang manigor dielhon ibana I tu jolma molo so adong pangidoanna. Adong tolu pandohan na masirainan dipangke taringot tu tangiang, ima mangido, mangalului, dohot manuktuhi. Ala rumang parenta do I sian jesus, ndada sae holan sahali mangido dung I singkop sude, Ingkon do manongtong jala marsitutu mangido tu Debata. Di halak Batak adong poda na mangajarhon mandok "sai di toru do tangan mangido". Lapatanna ndang sian ginjang ni roha manang ala hatauon ripe mangido. Mangelek do jolma mangido ndang gabe ripe mamaksa. Boasa ingkon mangido? Ala so adong di diri ni jolma umbahen ro mangido: Siala i asa boi dapotan, ingkon sian roha na toruk do mangido. Na boi do jolma tarhirim mangido tu donganna. Alaindang songoni tu Debata. Didok Jesus, "pangido hamu ma, sat na lehononNa do tu hamu Molo marsitutu jolma mangido tu Debata ndang tagamon tarhirum ibana, Ringkot amot hita laho manjaha isi ni parenta i Ndang na mandok aha tapangido tu Debata ingkon lehononNa. Molo tapangido na ringkot tu Debata loason ni Debata do hita laho mandapotsa. Asa ndada sian Debata tajalo na tapangido, alai diloas Ibana hita laho jumpangan na tapangido i I do impola ni jamita ni Jesus on. Asa unang sala hita mangantusi lapatan ni tangiang. Godang jolma sai marungutungut mandok ndang dioloi Debata tangiangna, nunga marpiga taon dipangido tu Debata hape laos na dapotsa. Siala i do didok, "sai na lehononNa do tu hamu Dilehon do dalan tu hita laho mandapot na taparsinta, na talului dohot na tahasiholi Songoni do nang pandohan mangalului Jolma na sai mangalului sai na jumpangan Molo tu Debata hita laho mangalului na ringkot sai patuduhononNa do dalan labo pajumpang. Nang pandohan manuktuhi pe naeng talapati songon na manuktuk pintu ni sada bagas. Sai diungkap do pintu tu angka na manuktuhi. Ingkon jamot hita laho mangantusi jamita on, asa unang hira tabas tangiang 1, disi didok manigor saut Jala ndang adong di hita gogo manang huaso laho mamaksa Debata mangoloi pangidoanta. Apala na nidok ni Jesus ima, sai dialusi Debata do jolma na mangido tu Ibana Godang do tudosan di Padan na Imbaru dipangke Jesus taringot tu tangiang. Sada hataridaan ni jolma na marsitutu martangiang dok jugul manang ndang mansadi.
Kesimpulan dan Refleksi
Parjolo, jolma naung mananda diri ingkon tongtong marunduk ni roha jala sumolsoli angka hahuranganna. Unang mamintori dırı jala mangetong na so adong hagaleonna asa unang madabu tu pangunjunan gabe olo manguhumuhumi donganna. Angkup ni ingkon sai rade mamereng haulion ni dongan asa unang dibaloshon Debata paruhuman tu ibana siala hadirionta na olo mansalahon dongan. So tung adong na mamuji diri. mangarajumı dırina lias sian dosa asa malua sian paruhuman ni Debata.
Paduahon, ndang sai singkop di ngolunta angka na taparsınta Nang pe ngalut hita mangula, alai godang dope na so jumpang na tajalahi. Molo masa pe na songon i, unang ma gabe lam holang hita sian Debata. Gariada ingkon lam solhot jala jugul do hita mangido tu Ibana marhite tangiang.
Patoluhon, dijou topik minggu on hita manghaporseai panarihonon ni Debata di angka na ringkot di parngoluonta siganup arı Lam tapapos ma rohanta, ai sai jaloonta do angka na tapangido tu Ibana dibagasan tangiang. Amen.
Posting Komentar