Jamita Minggu 30 Juni 2024 Minggu Palimahon Dung Trinitatis tarsurat di buku Markus 5 ayat 21-43. Tapabagas ma pangantusionta taringot tu turpuk ni Jamita on. Hombar tu Almanak ni Hurianta dibahen ma ojahan ni Jamita "Haporseaon na Pamalumhon." Rap ma hita mangihuthon hatoranganna.
Pendahuluan
Hamalumon ima sada na rumingkot di parngoluan ni siganup jolma. jotjot do mangido hamalumon marhite tangiang. Tasadari do ima ringkotni hamalumon ditingki marulangtahun, ditingki taon baru, manang di angka tingki na asing dang lupa hita mangido asa tontong marhipasan. Diulahon angka jolma do lao manjaga kesehatanna marhite na mangallang sipanganon na margizi, minuman na bervitamin, olahraga, dla. Ai molo dung ro parsahiton dang lupa hita mangido asa dilehon hamalumon, ala porsea do hita jala adong panghirimon dibagasan Tuhan Jesus adong hamalumon. Ima na di patorang diturpukta sadarion:
Pembahasan
Diturpuk markus 5: 21-43 on patoranghon taringot tu Jesus na paheheon anak ni si jairus dohot pamalumhon sahalak parompuan na marsahiton bulan lelengni sapuludua taon. Molo tapamanat baritahon naeng paboahon haporseaon dohot panghirimongta boe maralus molo haporseaon dohot panghirimon I taarahon tu Tuhanta Jesus. On ma napinatuduhon ni si jairus dohot parompuan na marsahiton bulan. Dipatuduhon si jairus haporseaon na tu Jesus marhite serep dohot undukni roha tarida ma i na masinggang ibana tu lambung ni patNa. Jala mangelek asa diampehon Tuhan jesus tanganNa tu ianakhonna na marsahit posa I, asa malum.
Pangalaho nasarupa dipatuduhon parompuan na marsahiton bulan nangkin. Boe tabayangkon songon dia accitna boratna, sitaonon alani parsahiton I 12 taon ma lelengna dang jumpang hamalumon nang pe nungga sae diboan tu angka pangobati. Tontu nungga godang na suda angka arta jala manguras pikkiran. Molo tapikkiri boe do alani na masai pamagohon haporseaonna dohot panghirimonna alai alani haporseaonna marsitutu holan di jama ulosna I malum do dihilala. Jala gabe malum ma sahit na. Marhite turpuk jamitaon dipatuduhon ma tu hita 2 halak na gabe sitiruon (teladan) taringot tu haporseon tu Tuhanta Jesus nang pe di masa-masa hamaolon. Parsiajaran na taputik molo masa hape angka hasusaan (parsahiton) ndang gabe hohom hita alai adong reaksi na olo hita gabe jonok manang ro tu Tuhan Jesus, alani I dijouhon hita asa marhaporseaon dohot marpanghhirimon tu Tuhan Jesus ai diibana do alusni pangidoannta.
Kesimpulan dan Refleksi
Halak na marhaporseaon dang mura-mura mandele molo ro sitaonon, dia akan berjuang akan mendapatkan pertolongan Tuhan. Respon dohot sikap mangadopi hamaolon dohot sitaonon parngoluon on ido na manontuhon sadia balga haporseaon tu Tuhan i. unang mago haporseoan I alani angka sitaonon. Ala sikap ni halak na porsea asing do sian halak na so porsea tu Tuhan i. Percayalah bahwa dalam keadaan apapun Tuhan turut bekerja membantu kesulitan. Jadi Haporseaon I do sinjata na paling ampuh dihita lao mangadopi berbagai sitaonon, alani haporseaon mi do Na pamalumhon.
Posting Komentar