Jamita Minggu 10 November 2024 Minggu Paduapuluopathon Dung Trinitatis tarsurat di buku 1 Raja-raja 17 ayat 7 - 16. Tapabagas ma pangantusionta taringot tu turpuk ni Jamita on. Hombar tu Almanak ni Hurianta dibahen ma ojahan ni Jamita "Mamelehon Diri Sian Nasa Roha." Rap ma hita mangihuthon hatoranganna.
Pendahuluan
Situasi krisis jotjot do boi gabe mangela haporseaon ni jolma i tu Tuhan i. Jala situasi kriris i boi do manontuhon boha do haporseaon ni sasahalak maradophon Tuhan. Na jotjot, molo angka na denggan do na masa di ngolu, denggan ma nang haporseaon dohot parsaoranna tu Debata, alai baliksa molo na so hinirim ni rohana (na roa) do na masa, olo ma gabe manarita, mandele jala manalahon Tuhan i, laos paholang diri sian Debata. Alai boha do hita? Marsiajar ma hita sian sahalak parompuan na mabalu na di huta Sarpat, na mamolus hamaolon bolon, alai rade mambahen na denggan, lomo ni roha ni Tuhan i, gabe taruli halongangan ibana sian Debata.
Bangkit gabe raja do si Ahab anak ni si Omri gumomgom Israel di Samaria (ida 1 Raja-raja 16:29). Angka sogo ni roha ni Jahowa do gumodang diula ibana sian saluhut jolma angka na jumolo sian ibana (ida 1 Raja-raja 16:30). Dibuat ibana muse si Izebel, boru ni si Etbaal, raja ni halak Sidon bahen jolmana laos marsomba huhut mangoloi Baal ibana, na sinomba ni si Izebel. Dipajongjong ibana muse sada sombaon na margoar Asera asa gabe sai marsomba ibana dohot bangso Israel tusi. Hinorhon ni hajahatonna na sumalin i ma na paro rimas ni Debata. Gabe diparo Debata ma marhite si Elia logo ni ari (ndang adong nambur dohot udan) tolu satonga taon lelengna. Alai ianggo si Elia sai diparmududu Debata do ibana di topi ni batang aek Kerit marhite pidong si gak na manarui sagusagu dohot juhut panganonna jala minum sian batang aek i. Alai dung marhira sataon, marsik ma sunge i ala so ada be ro udan. Disuru Debata ma ibana muse tu huta Sarpat mardonokhon huta Sidon (huta ni si Isebel) asa maringan disi rap dohot sada ina na mabalu laho marmudumuduhon si Elia.
Pembahasan
Logo ni ari na masa di Israel marpangontak do sahat tu huta Sarpat na ni inganan sahalak parompuan na mabalu dohot sada ianakhonna na dohot mangae hinorhon ni logo ni ari i. Pajumpang do si Elia dohot sahalak ina na mabalu i na tongon marsobansoban. Dipangido si Elia ma aek asa inumonna dohot sagusagu asa panganonna: "Ua alap di au aek i otik di bagasan tabutabu on, asa minum ahu" (ayat 10). "Ua buat di ahu santopik sagusagu di bagasan tanganmu" (ayat 11). Alai didok parompuan i ma: "Songon sintongna mangolu Jahowa, Debatam, ndang adong sagusagu di ahu nanggo sada, nda holan itak sampohul di bagasan hudon, angkup ni miak otik di bagasan guriguri, jala ida ma na marsobansoban do ahu, asa laho ahu paulihon itak i di ahu dohot ankhi, asa mangan hami na dua dungi mate ma" (ay. 12). Torang do dipaboa ina na mabalu i ngoluna dohot na adong di ibana. Dang adong ditabunihon ibana sian adopan ni si Elia. Dang adong na marlobi, tagonan hurang tahe, ai holan panganon sadari nama di ibana dohot ianakhonna adong, hape logo ni ari leleng dope. Molo dung suda i dang adong be ngolu siapari di ibana. Alai "unang ho mabiar", ninna si Elia. "Laho ma ho, bahen ma songon na nidokmi, alai pauli di ahu jurnolo sian sada sagusagu na mermer, jala boan tu ruar di ahu, dung pe i asa pauli di ho dohot di anakmu" (ay. 13). Songon on do hara ni jahowa Debata ni Israel: "la itak na di bagasan hudon ndang olo suda, jala miak na di bagasan guriguri ndang jadi marsik. paima jumpang haroro ni udan tongoson ni Jahowa tu sisik ni tano on" (ay. 14). Dungi diparupa parompuan i ma songon na nidok ni si Elia, gabe mangan nasida rap dohot ina na mabalu dohok janakhonna ariari. Laos itak na di bagasan hudon i dang olo suda dohot miak di bagasan guriguri i pe dang olo marsik, hombar tu hata ni Jahowa na pinaboan ni si Elia.
Sian barita masa di turpuk on, aha ma na naeng siputihonta bahen parsiajaran partondion patotu haporseaonia?
1. Diramoti Debata do Angka na Porsea di Ibana.
Ragam do dalan dibahen Debata patuduhon huaso dohot hamuliaonNa laho mangaramoti dohot marmudumudu angka na porsea jala na satia tu Ibana. Atik pe di tongatonga ni harajaon na mangulahon gok dosa dohot hajahaton. Alai ianggo si Elia tongtong do satia ibana tu Debata Jahowa. Ndang diihuthon ibana pangalaho ni raja Ahab dohot ripena si Isebel nang pe gabe tarancam ngoluna hinorhon ni i. Nang di hamamasa ni logo ni ari na ganjang i, si Elia pe pasahat dirina holan tu bagasan pangaramotion ni Jahowa do. Jala tangkas do taida songon dia Jahowa manarihon ngolu ni si Elia, ndang gabe hurangan jala raparon ibana. Sian dalan na so hapingkiran ni jolma pe tuk do Debata sumarihon ngolu ni si Elia.
Pola do dohot pidong sigak dipangke Debata laho marmuduhon si Elia. Jolma na gale, na pogos i ma sahalak parompuan na mabalu na di huta Sarpat pe dipangke Debata do laho marmudumudu naposoNa si Elia. Di hapogoson ni namabalu i mangula do goga dohot huaso ni Debata patupahon na so dapot pikkiran ni jolma. Di bagasan hagogoon ni Debata, itak na sampohul dohot miak na otik dang suda sahat na ro udan manalpuhon logo ni ari i. I do na pinasahat ni panurirang Jeremia, na mandok: "Ai nunga tangkas Huboto sangkap angka na Husangkapi taringot tu hamu," ninna Jahowa, "sangkap hasonangan do tahe ndada tu hamagoan, asa Ahu mangalehon tu hamu ujung na hinalungunhonmuna." (Jer. 29:11). Taingot jala tahaporsea i ma: udut ni ngolu ni angka naposo Na dohot na porsea di Jahowa nunga disangkapi Ibana jala sangkap Na iima sangkap hasonangan do, ndada tu hamagoan atik pe di tongatonga ni ngolu na masa hasusaan hita.
2. Tongtong Mangulahon na Denggan nang pe di Bagasan Hasusaan.
Godang do jolma madabu tu bagasan pandelean, gabe mangula sogo ni roha ni Debata jala manalahon Debata uju ro tu ngoluna hamaolon. Dang diharingkothon be mulaulaon, gabe lalap diparlalapan, mandao sian parsaoran na denggan dohot sian Tuhani, jala adong muse do na mangago hosana sandiri (bunuh diri). langgo ina na mabalu na di Sarfat i, atik pe otik nama sipanganon di ibana, dang tuk be i manguduti ngoluna paima salpu logo ni ari, alai tongtong di ibana mangula na denggan. Mangula do ibana tongtong ariari, laho marsobansoban laho paulihon sipanganon di ibana. On ma na nidokna: "Apapun yang terjadi, hidup harus jalan terus" (Life must go on). Di bagasan sabam ni roba jala tungtong sabar dinunuti ibana ngoluna. Nang so pola dipaboa di turpuk on, alai pasti do mangolu panghirimon di ina na mabalu i. Panghirimonna i do mambaben ibana torus bertahan mangadapi bamaolon mangula ulaon na denggan manguduti ngoluna. Ido dipangido Debata nang sian hita. Masa pe ragam ni hamaolon, arsak ni roba, kegagalan demi kegagalan, alai dang boi hita mansohot mangula. Tongtong taula ulaonta siganup ari dibagasan sabam ni roha dohot panghirimon na mangolu. Apapun yang terjadi, hidup harus jalan terus" (Life must go on). Taula ma ulaonta, taula haumanta, taula porlakta, taula tanonta. "Ula tanom, unang dibuat Bolanda" ninna angka natuatua na parjolo.
3. Mangolu di Bagasan Parasinirohaon.
Ina na mabalu na di Sarfat i dang manjua haroro ni Elia tu inganauna jala mian di bagasna. Dijalo do denggan harorona jala laos dilehon do mangan dohot minum atik pe hurang di ibana. Alus ni ina namabalu paboahon holan sampobud nama itak di bagasan hudon dohet otikmiak di guriguri, ndada alusisikap na manjua (menolak) di si Elia. Paboahon situasina do ibana, ai sipanganon na pineopna i holan parsadarian nama. Molo dung suda i panganonna dobot ianakbonna, mate ma ibana. Alai nang pe songon i, deuggan do ibana manjalo jala mangalehon sipanganonna na so sadia i di si Elia. Mangolu do di ibana parasinirobaon i, roba na marpanarihon. Sian hahuranganna i do ibana manarihon jala mangalebon di si Elia. On las ni roha ni Debata di hita, molo rade marpanarihon, mangalebon atik pe di bagasan bahurangan. Godang jolma mamakke prinsip: "jola adong ma di au", "jolo mamora ma au", "jolo pejabat ma au". "jolo pengusaha sukses ma au" dungi pe asa mangalehon. Dang i diparsinta Debata sian hita. Dang sian halobian manang sian haburanganta i diida Debata, alai adong do babasaron, asi ni roha manang dang? Ngolu babasaron dang tergantung tu halobian manang hahurangan, alai tulus ni roha do. Di jamita di dolok didok Jesus: "Martua ma na asi roha, ai siasian do nasida" (Mat. 5:7). Mangalchon sian baburangan i do parbue ni asi ni roha, jala ido silehonlebon na ummarga di Debata. Ai didok Jesus mandok siseanna: "Gumodang do na nidabuhon ni na mabalu, na pogos an tu bagasan poti parasian i, asa salubut angka na mandabubon i. Ai sian lobilobi nasida do didabubon be, alai ia parompuan an, sian pogosna do didabubon saluhurna na di ibana, tung sandok hangoluannai" (Mrk. 12:43-44). Parbue ni asi ni roba di ina na mabalu na di Sarfat i ima lak na di bagasan hudon dang ole suda dohot miak na di guriguri dang olo marsik. "Si asian do nasida", ninna Jesus di jamita di dolok i. Siasian ni Jahowa da ganup angka no rade mangalehon/mamelehon sian baburanganna dohet sian nasa roha.
4. Haunduhon tu Jahowa Manghorhon Halongangan.
"Unduk" (Taar). Unduk tu Debata, unduk jala tangi tu Hara ni Debata, ido dihalomohon Debata sian ngolunta. Haunduhon ni roha tu Debata patuduhon haporseaon jala pos ni roha tu hagogoon dohot huaso ru Debata. Jala haunduhon ni roha tu Debata gabe sada dalan doi laho marnida halongangan bolon sipamasaon ni Debata di ngolunta. Ido na masa di ngoluni na mahalu na di Sarfat. Haradeonna paradehon sipanganon di si' Elia nang pe hurangan ibana ala pos ni rohana di Hata ni Debata na pinasahat ni si Elia. Tangi jala dipcop ibana do Hata ni Debata. Dihaporseai ibana do hagogoon ni Jahowa Debata ni Israel na sinomba ni si Elia atik pe dang Debata Jahowa na sinombana mangihuthon tradisi haporseaon ni halak Sidon. Ai halak Sidon debata baal do di somba songon si Isebel boru ni raja Sidon, ripe ni raja Ahab na manomba jala porsea tu debata ganaganaan. Laos di turpuk on taida ma 2 parompuan sian Sidon, si Isebel na mora, boru ni raja jala ratu alai porsea cu debata baal, gabe manjalo rimas ni Debata Jahowa. Alai ina na mabalu na di Sarfat, halak Sidon alai porsea tu Hata ni Debata gabe raruli halongangan. Alani unduk jala tangi ma hita tongtong di Hata ni Debata. Haunduhon (ketaatan) gabe sada dalan parjolo sahali laho patubu haporseaon laos ihut marnida huaso ni Hata ni Debata. Taingot ma: "Dumenggan do roha panangihon sian pelean situtungon, jala dumenggan do marateatehon hata i,asa tabotabo sian birubiru tunggal", ninna Jahowa tu si Saul 11 Samuel 15:22).
Kesimpulan dan Refleksi
Na gabe ojahan di Minggunta sian turpuk on ima: "Mamelehon diri sian nasa roha" (Memberi dari kekurangan). Mamelehon diri dohot na adong di hita uju di situasi ngolu na sonang dang pola na maol. Alai mamelehon diri di situasi ngolu di bagasan hasusaan, i do na maol. Hape dipangido Debacado sian hita asa gabe parasi roha jala basar tu saluhut jolma di tingki marhalobian manang marhahurangan. Boha do hita mangulahon i? Elia dohot Ina na mabalu na di huta Sarfat do gabe tiruan di hita:
1. Dipasahat si Elia dohot Ina na mabalu i do ngoluna di bagasan pos ni roha tu pangaramorion ni Jahowa Debata ngolu nasida. Parbue ni pos ni roha nasida patar parmudumuduon ni Debata di nasida nang pe hurangan nasida.
2. Tongrong diula ulaon na denggan nang pe di situasi na gok hasusaan ngolu nasida. Diula si Elia do parsuru ni Debata tu ibana borhat sian sunge Karit tu huta Sarfat. Siubeon na male. uasdohot mohop ni ari alani logo niari dang gabe pangambati mangula parsuruon Debata. Nang pe naung jonok tu hamatean ala sampohul nama itak dohot saotik miak, dang mangorui semangat ni na mabalu i laho mangula ulaonna siganupari parade sipanganonna. Panghirimon di ngolu sian Tuhan i manongtong mangolu di ibana.
3. Mangolu di bagasan Parasinirohaan. Di bagasan hasusaaan i tongtong do tubu asi ni roha di namabalu i, tubu roha namarpanarihon mangalehon na otik di si Elia dalan marmudumuduhon ibana. Idolomo ni roha ni Debata, mamelehon diri sian nasa roha nang pe di bagasan hahurangan, ai asi do roha ni Debata di angka na marasi ni roha jala sai asianNa do ibana.
4. Unduk di Hata ni Debata. Hangoluan do Hata ni Debata di angka na olo tumangihon jala unduk di HaraNa. Haunduhon di Hata ni Debata do gabe dalan di hita laho manjalo dohot marnida huaso ni Debata dohot hagogoonNa patupahon halongangan na so dapot pikkiran ni jolma. Alani, aha na masa jala aha pe nataula, tapatupa ma i marojahan di Hata ni Debata. Amen.
1 komentar