wvsOdYmDaT9SQhoksZrPLG0gYqduIOCNl12L9d9t
Bookmark

Epistel Pentakosta 2 - Senin 9 Juni 2025 - 2 Musa 23 ayat 1-5

Epistel-Pentakosta-2-Senin-9-Juni-2025-2-Musa-23-ayat-1-5-Ngolu-na-Dipaimbaru-ni-Tondi-Parbadia

Epistel Pentakosta 2 - Senin 9 Juni 2025 tarsurat di buku 2 Musa 23 ayat 1 - 5. Tapabagas ma pangantusionta taringot tu turpuk ni Epistel on. Hombar tu Almanak ni Hurianta dibahen ma ojahan ni Epistel "Ngolu na Dipaimbaru ni Tondi Parbadia." Rap ma hita mangihuthon hatoranganna. 

Pendahuluan 

Buku 2 Musa digoari do di hata Indonesia Keluaran, molo di hata Inggris Exodus, manurathon taringot tu haluaon ni bangso Israel sian parhatobanan Misir na pinatupa ni huaso hagoogon ni Debata marhite si Musa. 

Molo tapamanat, ia Buku 2 Musaon marisihon 40 bindu, na boi disagihon marhite 2 horong, molo taida di Bindu 1-15, na marisihon taringot tu parngoluon ni bangso Israel saleleng 400 taon di parhatobanan Misir jala sahat tu na pinalua Debata nasida marhite naposoNa si Musa. Tartataban do bangso Israel di Misir saleleng 430 taon, alai ndang saleleng i nasida di parhatoban, siala di tingki ngolu ni si Josep +80 taon dungkon masuk tu Misir, ndada di parhatoban bangso Israel (2 Musa 12 : 40 - 41). Alai dungkon gabe raja ma si Parao na so mananda si Josep i, asa gabe marsingkor bangso Israel. Ndang apala dipaboa secara menditail leleng ni parhatobanon i, dungkon na pinaboa ni Debata tu si Abraham di 1 Musa 15 : 13, ia bangso Israel diparhatoban lelengna 400 taon. 


Advertisement - Scroll untuk terus membaca postingan.

Pembahasan 

Molo tabereng konteks ni turpuk 2 Musa 23 : 1 - 5 on secara umum mansai denggan do manaringoti songon dia sikap parngoluon ni jolma naung targoar anak ni Debata naung mangaradoti HataNa di bagasan ngoluna si ganup ari. Parjolo, tarida do i songon dia pangaramotionna marhite angka ulaon na boi tarida sian angka ulaon dohot pambahenanna marhite hata nang pe hal na sepele. Songon contohna panghataionna na mambahen gosip, dohot barita bohong manang hoax na boi mambahen jolma marbada dohot donganna. Paduahon, songon dia do sikapna molo sogo rohana tu dongan manang tu angka musu, tarmasuk ma tu angka pahanpahanan ni angka musuna i. Patoluhon, mangajari hita songon dia sikap tu angka donganta na pogos apalagi na pogos i berhadapan dohot sada parkara hukum. Paopathon, mangajari hita songon dia do sikapta mangadopi sisip, korupsi. Palimahon, sogon dia do sikapta tu angka jolma na asing sian hita. Nang pe songon na hal biasa taanggap jala tapatupa sikapta na tu na lima hal on, alai anggo di Tuhan i sude na taanggap biasa manang hal-hal sepele mansai arga do. Turpuk Epistel on ingkon botulbotul do perhatihononta jala gabe mambahen hita jamot di angka tindakan dohot sikap parniulaonta si ganup ari di adopan ni Tuhan i. 

Di turpuk Epistel on tabereng do adong 7 hali hata jangan manang "ndang jadi" rap dohot hata jauhkan manang "padao ma" jala boi do taida 2 hali hata na mandok parsuru. Laos marhite hata on do na naeng paingothon hita sahat tu partingkian on apalagi di Minggu Hasasaor ni Tondi Parbadia na paduahon sadari on. Ala ni i boima tapamanat pangajarion ni Turpuk Jamita on.


Ndang Jadi Pararaton Barita Gapgap (ayat 1a) 

Adong dua hata na porlu siparateatehononta, i ma hata pararathon (menyebarkan) dohot hata gabus (bohong). Hata pararrathon (menyebarkan) molo di hata Heber didok ma i "nasa" lapatanna mengangkat, membesarbesarkan menunjukkan sambil mempertontonkan marhite mimik wajah dohot soaranta asa sude jolma marnida dohot umbegesa. Jala hata gabus (bohong) molo di hata Heber "saw" i ma angka barita na so dipertimbangkan hasintonganna, hatahata na so tingkos na so nyata keberadaanna, baik secara material, moral ndang adong alai ingkon dipertontonkan. 



Di ayat 7 hata gabus dipangke hata Heber "midebar saqar" kesaksian palsu, na so sintong, hata na so adong lapatanna, na so masuk di akal, na so marimpola, na so gabeak, na so porlu. Jala hata pararathon (menyebarkan) adong 3 panghorhonna. Parjolo, hita sandiri na gabe sumber na mambahen hata gabus i. Paduahon, hita na gabe manjalo barita gabus i sian angka donganta. Patoluhon, hita gabe sipararat barita gabus i, hita na patudutuduhon, paboaboahon tu angka donganta na asing. Ala ni i do marhite turpuk on dipaingot do tu hita "jangan / unang" dohot hita gabe sumber, penerima dan penerus sian angka hata na so marimpola i. 

Apalagi molo tabege angka hata di na laho paroaroahon dongan unang ma hatop hita porsea di hatahata i, apalagi laos patorushon barita i tu angka donganta na asing. Laos dipaingot do hita tongtong asa unang gabe pencipta, manang sumber utama barita na so porlu, manang hata na so gabeak i. Jala molo tabege pe angka hata gabus sian angka donganta, ndang jadi hita menelan bulatbulat jala ingkon pingkiranta do dampak dohot akibat ni barita, hatahata na so gabeak i, baik secara moral dan spritual, sian na pararathon barita gabus i. Jala ingkon saringonta, jala tahanonta barita i laos bolonghonon ma i sian roha nang pingkiranta. 

Di partingkian saonari on sosial media na begitu canggih, na mansai mura pararathon barita palsu, angka hata gabus, dipaingot do hita asa unang parsidohot hita mambaritahon i. 


Unang Paherbang Tangan Rap dohot Parjahat (ayat 1b) 

Ingkon konsisten do hita manghatindanghon hasintongan. Ingkon paingotonta do jolma na sala, jala hatindanghononta do jolma na mangulahon hatigoran. Jala unang tarbalik pasalahon angka na sintong jala pasintonghon na sala dohot alasan aha pe i. Molo taringot tu kebenaran ndang boi marnida bohi, mamereng rupa dohot ikatan partondongon, ingkon tegas do sikapta taringot tu hasintongan na sian Debata. Memang sering do hita diperhadaphon dohot hal kesetiakawanan, solidaritas ala ni angka pardonganon, partuturan, parmargaon dohot ala ni angka ikatan na asing pe. Alai porlu do botoonta solidaritas tu angka dongan unang gabe manegai hasintongan. Ingkon bertahan do hita di prinsip molo sala tetap sala, jala molo na tingkos ingkon tingkos do. Memang maol do mangulahon on, apalagi berkaitan tu pribadinta sandiri. Alai dipaingot Hata ni turpuk on do hita, "junjung tinggi kebenaran" unang membela na so tingkos. 


Ndang Jadi Ihuthonon Tahi ni Torop Laho Mangulahon na Jat (ayat 2) 

Hata paihutonmu (turut) molo tabereng sian bahasa Inggris "follow the crowd" mengandung arti engkau jangan terpengaruh, ikut-ikutan untuk berbuat yang belum diketahui benar salahnya. Apalagi na berhubungan dengan ulaon hajahaton dohot na berkaitan dohot melanggar hukum. Pambahenan na songon i patuduhon hita sandiri tidak punya pendirian, konsitensi haporsean na mura targoda. 

Dipaingot turpuk on do hita molo tabereng jolma mangulahon si songon i ingkon manat do partimbanghonon na sala manang na tingkos do. Molo tingkos do, siihuthonon do i alai molo angka na sala si tundalhonon do i. Unang ihutihut tu angka ulaon na jahat na melanggar hukum. Songon na didok di Rom 12 : 2 dipaingot do hita asa unang sarombang dohot portibi on alai gabe imbaru ma hamu dung muba pingkiranmuna asa tau hamu manimbang lomo ni roha ni Debata, i ma na uli na hinalashonna dohot na sun denggan. Tapaholang ma dirinta sian angka halhal na ikutikutan, apalagi mo so tu angka na denggan. 


Ndang Jadi Ampinan na Pogos di Parguluton (ayat 3) 

Diajari do hita dalam banyak hal laho mangurupi angka na pogos. Alai dipaingot turpuk on do hita, ndang jadi mamihak tu na pogos, mangurupi na pogos di hasalaanna. Unang ala pogos gabe lomolomona mambahen angka ulaon na sala. Molo tabela jala taurupi pambahenan ni na pogos na melanggar hukum, maralo do i tu lomo ni roha ni Debata. 

Mambela na pogos di tindakan dohot pangalaho nang pambehanna na sala digoari ma i tindakan berlebihan. Miskin belum tentu benar mamora belum tentu juga salah. Anggapan na songonon ma porlu tahindari. Jala porlu do antusanta hasintongan ni Debata di ginjang ni saluhut. Ala ni i porlu do patupaon angka na denggan baik tu angka na pogos, na mora bahkan tu sude jolma. Boasa didok ndang jadi ampinan na pogos? Uhum ndang mamereng hadirion ni sasahalak. Dos do jolma di adopan ni paruhuman, na mora manang na pogos. Ala ni i, na so jadi panguhum mandabu uhum hombar tu panghilalaanna sandiri. Unang ma nian ala ni asi roha marnida hadirion ni jolma gabe ndang hot jongjong uhum di tongatonga ni bangso. Molo marsala na pogos, ingkon do dabuon ni panguhum na hombar tu na niulana. Ndang jadi hapogoson gabe sidalian mambahen angka ulaon na maralo tu patik ni Debata. Dos do na tinuju ni pandohon i tu na papeolhon uhum. Jolma na pogos na margulut dohot na asing ingkon jaloonna do uhum na patut molo marsala ibana di pargulutan i. 


Patupa na Denggan Dompak Musu (ayat 4-5) 

Bagian ini menyangkut tentang bagaimana sikap kita terhadap musuh, di hajolmaon na ndang mura mangulahon na niigil ni patik ni Debata na marpardomuan tu parange na mangurupi musu dohot manjamothon arta ni musu. Dijou parenta ni Jahowa do Bangso Israel asa tongtong olo jala rade mamboan halode ni musuna mulak tu nampunasa. Suang songon i halode naung sorat jala mandate na so jadi pasombuon, alai ingkon dipahehe. Ai ndang adong hadomuan ni parmusuon ni jolma dohot artana. Baliksa tahe, molo dibahen na denggan tu sada jolma na manghagigihon diriniba, nda gabe manjou hamubaon ni rohana do i? Songon i do nang Jamita ni Jesus na mandok ingkon manghaholongi musu dohot pasalihon di na so dihirim roha balosna (Lukas 6 : 35). 


Advertisement - Scroll untuk terus membaca postingan.

Kesimpulan dan Refleksi 

Tona na arga sian turpuk on di Pesta Hasasaor ni Tondi Parbadia i ma:

1. Tapataridahon ma dirinta songon angka anak ni Debata. Angka na tinogihon ni Tondi i do anak ni Debata. Anak na do hita, parsidohot di jambar manang sitean hangoluan sogot. Asa sahat hita gabe panean di hangoluan i. Tapatuduhon ma di ngolunta paboa anak halomoan ni Debata hita. Sumisi ma tondi hatoban, tondi haholomon dohot nasa na manait hita mangadop di daging, ai hamatean do ujung ni i. Alai halak na mangolu mangihuthon panogihonon ni Tondi, parbuehononna do angka parbue ni tondi; hasintongan, dame dohot las ni roha dohot angka na tau parsaulihononhon di ngolunta nang maradophon dongan pe. 

2. Ngolu na pinaimbaru ni Tondi Parbadia tontu paholangonna do dirina sian angka hata gabus, jala ndang olo ngoluna terpengaruh tu angka barita dohot angka hata na so gabeak. 

3. Ngolu na pinaimbaru ni Tondi Parbadia hot jala jongjong do ibana mangolu di bagasan hasintongan ni Hata ni Debata. Amen. 


Catatan: 
Semua iklan yang terdapat pada website dan tulisan ini tidak ada hubungannya dengan timothysaragi.com. 

Dapatkan update artikel terbaru dari timothysaragi.com. Mari bergabung di Channel WhatsApp atau "timothysaragi.com Artikel Update", caranya klik link https://whatsapp.com/channel/0029VapB7ASBVJlBihjSSW2q, kemudian join. Atau di Channel Telegram, caranya klik link https://t.me/timothysaragicomupdate, kemudian join. Anda harus install aplikasi Telegram terlebih dulu di ponsel. 


Posting Komentar

Posting Komentar