Jamita Partangiangan Epistel Minggu 28 September 2025 Minggu 15 Dung Trinitatis tarsurat di buku Jeremia 22 ayat 13 - 19. Tapabagas ma pangantusionta taringot tu turpuk ni Jamita Partangiangan (Epistel) on. Hombar tu Almanak ni Hurianta dibahen ma ojahan ni Jamita Partangiangan (Epistel) "Debata Manganturehon Halak na Gale." Rap ma hita mangihuthon hatoranganna.
Pendahuluan
Di na menjelang angka Pilkada manang Pemilihan Umum marragam angka na jongjong sebagai calon panggomgomi manang partogi di sada luat, na gabe sada hajongjongan ni uluan, andorang dapot Pilkada i sude do calon papatarhon visi misina asa boi jongjong nasida, jala marragam cara dibahen asa mandapot simpati sian masyarakat jala asa godang na mamillit nasida. Adong ma i marhite promosi di media, spanduk, jala adong na marhite sogok menyongok asa godang suara mamillit, asa anggiat nian monang. Hinorhon ni asa dapot hamonangan i marragam do cara dibahen angka calon asa dapot na di rohana, aha pe diulahon asa anggiat dapot na niluluan jumpang na jinalahan, jala maradu songon dia pe i sai dibaen do carana sandiri, bahkan olo sampe mamangke angka na maralo tu Tuhan i pe diulahon nama. Di na laho mamillit sada partogi hal na ingkon jamot hian do di pingkiri jala ditangianghon ise na naeng pillitonna, asa unang adong tubu hata "ehe nga salah pillit au, ai dang i hinan" bahasa songon i ndang adong be gunana dung di pudian ni ari. Alai ingkon sian mulana do meneliti, mamparrohaon, menyimak tampilan angka na naeng pemimpin, na laho mangalehon hadengganon, keadilan, holong ni roha, hasintongan jala tarlumobi uluan i ingkon ma biar mida Jahowa do di na mangulahon saluhut ulaonna. Songon na niula ni si Jeremia na mangulahon saluhutna di bagasan mangasahon Debata Jahowa ndang parbinotoan, hamaloonna dohot haboionna asa gabe Raja, jala ulaon angka hasintongan do na na naeng papatarhononna, asa sude manghilalahon kesejahteraan marhite ulaonna. Marhite turpuk on pe naeng idaonta songon dia sahalak partogi gabe patupahon keadilan dohot mangurupi, songon Debata na gabe pangurupi tu na tinompaNa tarlumobi tu halak na gale, na pogos, tu halak na so diperhitungkan.
Pembahasan
Ayat 13-17
Dipapatar taringot songon partogi/ panggomgomi na holan mangaut tu dirina, i ma taringot pangomoan/ paruntungan, (holan mamingkiri kesejahteraan tu dirina) dohot na so mangulahon keadilan dohot hasintongan, jala na so mangasahon Debata di ulaon panghobasionna.
Alai sai tu ulaon pemaksaan do dibahen tu saluhut halak, asa songon na di rohana na saut, dohot na olo memperbudak donganna, mambuat hak-hak ni donganna tarlumobi na pogos, i ma namargoar Raja Joyakim, ianakhon ni raja Josia raja sian Juda, amana si Josia i ma sada raja na gabe tiruan do di adopan ni bangsona, alai anggo si Joyakim andul do parangena sian amana i.
Ia si Josia sada raja na manghaholongi panghobasionna di bagasan Tuhan jala mangulahonsa di bagasan Tuhan (2 Rajaraja 23 : 25) marhite ulaon na patuduhon keadilan, kesejahteraan, ndang mangahut tu dirina, alai mamingkirhon haporluon tu saluhut bangsona. Ndang adong tiruan si Josia tu ianakhonna si Joyakim i, hape didok do "buah jatuh tidak jauh dari pohonnya" alai marhite turpuk on andul do ulaon na denggan i, ndang meme tu pomparanna si Josia, sada kegagalan do i di ibana, hape boi do sansintongna gabe sada ulaon tiruon i nian di ulaon panghobasionna di masa ibana gabe panggomgomi.
Ayat 18-19
Adong do pandohan "ia pardalanan ni ngolu on tabur tuai do" aha na taulahon di ngolu on, i do tong tapuon, sugari tasuan pe na denggan, belum tentu na denggan tapuon, lam ma sebalikna. Si Joyakim ditapu do aha naung diulahon ibana, na mambahen si lomolomona ibana di ulaon parsuruon i, pola do saluhut humaliangna mar las ni roha di na naung mate jala ditanom i ibana, ndang tagamon andungan ni halak ibana (ayat 18-19), jala sai hira na so dianggap naung gabe sada raja ibana di tongatonga nasida. Sudena i parbue ni na niulana di tingki harajaonna. Godang do na manghasogohon ibana, jala ndang marlomo ni roha tu ibana ala ni pambahenanna.
Hape di tingki parmate ni amana i, i ma raja Josia, sude do mangandungi ala ni haburjuonna, on ma na nidokna tong, gajah mati meninggalkan gading, manusia mati meninggalkan nama, alai goar na tau tiruan do hita manang gabe halak na gabe dihasogohon humaliang? Parange na niulahon si Josia patar do manghangoluhon holong ni rohana tu bangsona, mangurupi, manghaholongi angka na gale, na pogos, dohot angka na hurangan. Songon i ma nang panghirimon ni Tuhan i tu hita, gabe partogi manang gabe jolma biasa, ingkon do patuduhon angka hasintongan, keadilan, holong, kejujuran jala sada songon naung gabe teladan di hita, i ma si Josia sandiri.
Kesimpulan dan Refleksi
Marhite turpuk on adong na boi putikonta di bagasan ngolunta:
1. Tutu do saluhut hita gabe sada halak na boi gabe uluan baik di keluarga, masyarakat, nang dirinta. Na boi siulahononta ingkon mampu do hita gabe sada tiruan na gabe contoh, teladan di angka panghataion, parange, dohot ragam na asing.
2. Molo tutu hita naung tarpilit gabe partogi/uluan gabe teladan na tau tiruan ma hita, taulahon ma angka las ni roha di bagasan Tuhan, laho patuduhon angka holong ni roha, kejujuran songon Tuhan naung manghaholongi hita dohot saluhut na tinompana (secara khusus angka na gale).
3. Unang gabe sarombang dohot portibi on, na sai uasan di arta portibi, di angka sinamot, jabatan jala na olo mambuat paruntungan manang pangomoan tu dirina sambing. Ciri si songon i ndang patuduhon sikap holong di bagasan Tuhan.
4. Gabe tau pasupasu ma hita tu na humaliang, di angka tugas dohot tanggung jawab na sian Tuhan, taulahon angka hasintongan, pangurupion, keadilan, padao angka hamongkuson, kekerasan dohot hatangkangon ni roha.
5. Setia ma di tugas dohot tanggung jawab na nilehon ni Tuhan mangasahon biar mida Jahowa ma laho patupahon i, ai pasingkopon ni Debata do saluhutna i di tingkina muse.
6. Paholang ma dirim sian angka hisaphisap ni portibi on, asa unang gabe dihasogohon di ngolu, asa unang dapot angka bura, jala asa unang ditimpalhon hita di ngolu on. Alai mangulahon uhum na sintong ma hita, binsan diparar Debata hita mangolu di hasiangan on. Amen.
1 komentar