Jamita Minggu 23 Agustus 2026 Minggu Pasampuluduahon Dung Trinitatis tarsurat di Epesus 4 ayat 7 - 16. Tapabagas ma pangantusionta taringot tu turpuk ni Jamita on. Hombar tu Almanak ni Hurianta dibahen ma ojahan ni Jamita "Marsihohot tu Hasintongan." Rap ma hita mangihuthon hatoranganna.
Pendahuluan
Barita nauli di minggunta sadarion, manaringoti tujuan ni huria, i ma mambangun pamatang ni Kristus sahat tu na tang (dewasa) dihaporseaon. Alai boha do i asa masa? Tontu ingkon ganup ma halak Kristen parsidohot laho patupahon tu hamajuon ni huria asa gabe mangolu dihaporseaon na polin, marhite na mamangke asiasi (karunia) naung dipasahat ni Debata tu hita. Jala diarahon Apostel Paulus ma nang hita nuaneg asa marsihohot tu hasintongan ni Debata, gabe parsintong mangulahon haholongon. Huria Epesus mangolu di tongatonga ni ragam informasi na mansai rongom masa hatiha, termasuk ma ragam pangajaran. Tontu ndang sude pangajaran na marragam i boi patupa tu hamajuon ni haporseaon di huria, boi do sabalikna gabe mambahen sumurut. Alani i ma diarahon Apostel Paulus huria asa unang dililuhon ajaran na lipe nasida sian pangajaran na sintong, alai asa gabe huria na tang dihaporseaon. Marhite turpuk jamita on adong tolu bagian na boi taparrohahon.asa gabe huria na tang di ngolu parhurian na marsohohot tu hasintongan.
Pembahasan
1. Tahaporluhon di asiasi (karunia) ni Debata
Andorang so turpuk jamita on di ayat 1-6 diarahon Apostel Paulus halak Kristen na di Efesus laho manghangoluhon panjaounna marhite parange songon Kristus, ima martoruk ni roha, marlambok jala marlambas ni roha, masihaehean di bagasan roha na holong. Dungi di mulai Apostel Paulus ma manorushon pagajaronna di ayat 7 na gabe turpuk jamita sadarion marhite pandohan “Alai”, hata alai laho menghubungkan tu maksud selanjutna muse. Jadi hata i marlapatan, “nang pe songon i” dipasahat Debata do tu hita ganup basabasa asiasi asa boi diulahon na porsea panjoun nasida. Hata asiasi di ayat 7 i manaringoti “pemberdayaan” manang “kemampuan” laho patupa panjouon ni Debata tu ganup na porsea, songon na di Roma 12:6 “Ganup manjalo silehonlehon marguru tu ragam ni asi ni roha na tinurpukkonna tu hita: Ia panurirangon, naeng ma mardomu tu haporseaon”. Di ayat 7 na terakhir didok “marguru tu panagihon ni Kristus”. Asiasi ni Kristus na ‘memberdayakan” i hombar tu panagihonon Kristus na singkop (sempurna) asa manongtong dipangke laho mengoperasikan pardalanan ni Huria i.
Dipajojor Apostel Paulus ma muse haroran ni asiasi na “memampukan” on di ayat 8 Dibahen i ninna do: "Nunga manaek Ibana tu ginjang, ditaban do na tarhurung; dilehon do silehonlehon tu angka jolma!" Ayat on marharoroan sian Psalmen 68:19 (Nunga manaek Ho tu ginjang, ditaban Ho do na hona taban, nunga maruli silehonlehon Ho di tongatonga ni manisia, nang angka na marbalik, asa maringan disi Debata Jahowa.), ayat on na di goari do himme kemenangan na di gubah ni si Daud laho manghalashon hamonangan na pinatupa ni Debata atas kota Yebus. Alani i ima dipangke Apostel Paulus Pslmen 68:19 i secara Kristologis. Asa pandohan (frasa) Nunga manaek Ibana tu ginjang manggombarhon hamonangan ni Kristus. Hombar tusi ma pandohan i paandarhon songon dia Kristus manjalo hak laho pasahat asiasi tu ganup na porsea.
Diuduti Apostel Paulus ma muse di ayat 9-10 laho patolhashon Psalmen 68:19. Fokus utama ni Apostel Paulus manaek dohot hamuliaon ni Kristus. Naeng dohonon ni Apostel Paulus ia manaek pe Kristus ala naung tuat do Ibana tu toru ni tano. Laho padasiphon parbinotoannta di Pilipi 2:7-8 didok Dirumari do dirina jala disolukkon rupa ni hatoban, gabe suman tu jolma do Ibana jala rumang jolma dapot di Ibana. Dipatutoru do dirina; na gabe pangoloi do Ibana paima mate, pola tung mate tarsilang!. Tuat tu toru ni tano ima haleanNa gabe dosa laho humongkop hita di hau pinarsilang. Alai di ari patoluhon hehe sian na mate digohi hamuliaon. Gok liat portibion ma hadirionNa, kedaulatanNa, Raja Siparmonang na mangalehon asiasi sian lomo ni rohaNa tu angka na porsea di Ibana.
2. Tahaporluhon do “Kepemimpinan” Kristen
Di ayat 11 on tapahami do ia Apostel dohot panurirang ima asiasi dasar ni huria songon na tarsurat di Efesus 2:19-21. Di Efesus 4:11 didok, “Laos Ibana do mangalehon deba gabe apostel, deba panurirang, deba evangelist, deba muse parmahan jala pangajari”. Diturpuk jamita on adong 4 manang 5 asiasi dohot peran na berbeda di huria i ma apostel, panurirang, evangelist, parmahan jala pangajari. Secara umum ndang apala sude masuk daftar angka asiasi i di perikop on. Alai ia asiasi na masuk daftar di turpuk on i ma daftar kepeimpinan Kristen di zamanna. Apostel dohot panurirang memiliki peran mendasar dalam menerima dan mewartakan misteri Yesus Kristus. Angka Evangelis seperti pendiri gereja, pengajar menguluhon dohot mangajar huria. Didok Apostel Paulus sude na targoar na 4 manang 5 silehon lehon ni Kristus do i tu huria. Marlapatan ma i ia kempemimpinan Kristen di huria ndada holan diperlukan, alai asiasi ni Kristus sandiri do i laho pauliulihon i Huria.
Asiasi na khusus on na adong di turpuk on, nang pe adong dope na asing nari songon na di Roma 12:4-13, 1 Korintus 12:27-31, 1 Petrus 4:9-11, sudena asiasi i rajumanta do i asiasi “kepemimpinan” Na dia pe asiasi i dihita hombar tu panagihon ni Debata naeng pangkeonta i laho mambangun pamatang ni Kristus. Asiasi panurirangon, marhobas, mangapoi, pangajari, pamalumhon, pangurupion dna. Sudena i sian Debata do. Jala tujuan ni asiasi na marragam i na dipasahat tu angka na porsea laho mambangun pamatang ni Kristus jala laho patureturehon angka na badia. Hata "patureturehon" di bahasa Gorik i mengacu pada sesuatu yang diperbaiki dan dikembalikan ke kondisi aslinya, artinya disempurnakan. Jonjot do hata on dipangke di dunia medias isarana paulihon holiholi naung ponggol manang “terkilir”. Hata i ma dipangke Apostel Paulus na sarupa di 2 Korintus 13:10 Dibahen i husurat songon i, di na holang dope ahu, asa unang posi pambahenku, dung ro ahu, marguru tu huaso, na nilehon ni Tuhan i tu ahu, laho pauliulihon, ndada manegai”. Asa marhite “kepemimpinan di Huria ima laho pauliulihon, pasingkophon, padengganhon naung sega, menggerakkan jemaat asa dihangoluhon haporseaon huhut saling melayani, mamangke asiasi naung dipasahat tu ganup na porsea, gabe huria na mangolu di adopan ni Debata.
3. Tahaporluhon do ganup halak di huria gabe parhasintongan di bagasan haholongon.
Dibagian na patoluhon on ma tangkas idaonta taringot tu tema ni jamita di minggu on. Di ayat 15 dipaingot Apostel Paulus do hita asa marsihohot tu Kristus. Didok Apostel Paulus di bahasa Indonesia, "Tetapi dengan teguh berpegang kepada kebenaran di dalam kasih, kita bertumbuh di dalam segala hal ke arah Dia, yang adalah Kepala... "Torop do sian hita umbege pandohan ni barita na uli on. Taparrohahon ma ia “Hasintongan” di ayat on ndada holan pasahat hasintongan alai parsidohot mangulahon hasintongan i. Molo di Bible bahasa Batak mansai tangkas do diondolhon marhite pandohan “Gabe parhasintongan hita di bagasan haholongon i…” di mana ada orang percaya yang menghidupi kebenaran dalam kasih kepada Allah dan satu sama lain, dan di mana ada orang percaya yang mengatakan kebenaran dalam kasih, di situlah Roh Kudus bekerja paling kuat di tengah-tengah kita untuk menumbuhkan kita dalam kedewasaan dan kesatuan rohani. Blaikie menasihati - Kebenaran adalah elemen yang di dalamnya kita harus hidup, bergerak, dan berada. Namun, kebenaran haruslah dikawinkan erat dengan kasih; kabar baik yang diucapkan dengan kasar bukanlah kabar baik. Pesona pesan tersebut dirusak oleh semangat pembawa pesan yang tidak selaras.
Di ayat 15, didok “Ulu i, ima Kristus. Jonjot do analogi on dihatahon Apostel Paulus. Asa molo pe dihatahon Apostel Paulus paboa Ulu i, ima Kristus mangondolhon otoritas ni Kristus, kepemimpinanNa dohot huasoNa na mengendalikan. Isara ni otak (pusat kendali) ni ngolu secara fisik di hita. Tuhan Jesus ma harororan ni hangoluan dohot huaso di sude pamatang ni Huria i. Di ayat na parpudi dia ayat 16 paingothon hita di kewajibanta, paboa ganup hita ingkon patupahon na gabe bagianta asa mangolu hombar tu lomo ni roha ni Debata. Ia pamatangta berfungsi dohot denggan molo ganup ruas ni pamatang martomu saluhutna, merespon arahan otak (kepala) laho patupahon dos songon na di rancang ni kepala. Hakristenon na alkitabiah na so jadi marsirang sian parsaoran. Hita i ma bagian ni pamatang ni Kristus jala ganup hita saling membutuhkan.
Asa ayat 15 dan 16 paingothon hita asa tongtong jonok tu Kristus manang marsihohot tu hasintongan ima Kristus, jala ingkon satia mamangke asiasi ni naung nilehonna tu hita di ngolu parsaoran dohot angka na porsea. Marhite komitmen dohot pangkobasion na songon i, Tuhan akan membangun gereja-Nya dalam kasih. Frasa panutup, "dibagasan hahholongon i", mansai ringkot. Di saluhutna i pamatang ni Kristus ingkon papatarhon holong dung dibangun hombar tu sangkap i Kristus. Asa molo mangolu dibagasan asi ni roha ni Debata mangolu ma dibagasan holong, laos hita pe mangolu di holong ni Kristus nang tu angka donganta. Amen.
Posting Komentar