Jamita Partangiangan Epistel Minggu 23 Agustus 2026 Minggu 12 Dung Trinitatis tarsurat di buku Amos 5 ayat 24 - 27. Tapabagas ma pangantusionta taringot tu turpuk ni Jamita Partangiangan (Epistel) on. Hombar tu Almanak ni Hurianta dibahen ma ojahan ni Jamita Partangiangan (Epistel) "Marsihohot tu Hasintongan." Rap ma hita mangihuthon hatoranganna.
Pendahuluan
Buku Panuriang Amos ima buku na patoluhon di Padan Naroi na digoari “Nabi-nabi kecil”. Asa didok pe nasida “Nabi-nabi kecil ala ndang apala ganjang manang ndang apala godang bindu manang ayatna ndang songon buku Jesaya manang Hesekiel. Alai sude na digoari angka panurirang di tongatonga ni bangso Israel “bertindak songon soara ni Debata na so adong biarna laho pasahat tona ni Debata, tona na so “familiar” manang na so “familiar”.
Pembahasan
Di konteks jamita on, di ida Panuriang Amos angka dosa ni bangso Israel Utara na tongon ni uluhon ni Jerobeam II. Disuru Debata ma ibana laho paingothon nasida asa mulak sian hadosaonnasida asa unang diuhum Debata nasida. Disoarahon ni Panurirang Amos tu nasida asa margilinggiling ma songon aek uhum, jala hatigoran songon sunge na so olo marsik (bahasa Indonesia- tetapi hendaklah kedilan bergulung-gulung seperti air dan kebnaran seperti sungai yang selalu mengalir. TB). Laos hombar ma tema ni minggunta pandohan ni si Amos on na di ayat 24 marsihohot tu hasintongan. Asa jamita na sian Amos 5:24-27 mangondolhon soara ni Debata tu bangsoNa asa patupa uhum dohot hatigoran huhut paingothon bangsoNa di rimas dohot paruhuman ni Debata tu angka na so satia. Tona na rumingkot padalanhon hatigoran social (keadilan social) jala mangolu dihsintongan na marharoroan sian Debata na gabe “bentuk ibadah” na sejati” ndada holan ritual.
Patupa ma Uhum dohot Hatigoran.
Dung dipamanat Panuriang Amos na masa di Israel, nalnal ma disimalolongna angka dosa na niula nasida hatiha i. Apala na nalnal sian saluhut dosa na niula nasida, parjolo manjalo pajak ndang hombar tu uhum sian angka na pogos, Amos 5 :11, ‘Dibahen i, ala diluntak hamu halak na pogos, jala dijalo hamu eme silehonlehon manuruk sian ibana, gabe ndang ingananmuna bagas, angka na pinaulimuna sian batu na nidakdak; disuani hamu pe angka porlak anggur hasoloan, hape ndang inumonmuna anggurna. Paduahon diparuhuman masa hajahaton dihajongjongan ni hatigoran masa hageduhon Amos 5:12 “Ai huboto do torop ni pangalaosionmuna dohot hinadeak ni dosamuna, hamu angka na manosak halak partigor, angka na manjalo hasunan manuruk, jala dipatungki halak na pogos di partungkoan” . Halak na so marsala jala na pogos digosagosa ni system peradilan na korup. Hata ni Debata margilinggiling ma songon aek uhum, jala hatigoran songon sunge na so olo marsik, alai diolati nasida do sunge i jala menciptakan padang gurun ketidakadilan.
Dihalomohon Debata do Uhum (Keadilan).
Molo di kamus na marhata Heber hata i manggombarhon “ kualitas bebas dari favoritisme, kepentingan pribadi, bias, atau penipuan”. Kwalitas on sian sifat ni Debata na di 5 Musa 10:17-18 Ai Jahowa, Debatamuna i, Ibana do Debata ni angka debata, jala Tuhan ni angka tuan, Ibana Debata na sun timbul, na sun gogo jala na songkal sahali, na so marnidanida bohi jala na so olo manjalo silua. bana huhut pasintong uhum tu na sopot so marama dohot tu parompuan na mabalu, Ibana huhut mangkaholongi halak dagang, naeng mangalehon tu nasida sipanganon dohot paruloson.
Dihalomohon Debata do Hatigoran.
Hombar tu hata hatigoran mangihuthon hata Heber i ma “suatu tindakan yang merupakan perwujudan kepatuhan terhadap prinsip-prinsip moral dan kehendak Tuhan.”. Sian pangantusion i gabe bahenon ma tu angka dongan hombar tu hata ni Debata. Nunga dihatahon Debata tu bangso Israel na patut bahenon nasida tu bangso i. Isarana manguhum dosa dohot hasalaan na so marnida bohi na sangap manang ndang, manjaga dohot mangaromoti halak sian mara so pola marnida na mora manang na pogos. Manghaholongi donganna jolma doshon dirina.
Uhum dohot hatigoran ima sorminan karakter ni Debata sandiri. Taida do na dua sifat ni Tuhan on di hau pinarsilang. Di hau pinarsilang, dipatuduhon Debata uhum dohot hatigoran. Disuru Debata AnakNa nasasadai laho humophon hita, Ibana gabe dosa laho paluahon hita jolma. Hasintongan ni Debata, holong, dohot asi ni rohaNa, patupa dalan tu angka pardosa asa malua sian hadosaon. Hombar ma di Roma 5:8,” Alai ia Debata, dipapatar do holong ni rohana i di hita, uju pardosa dope hita, ai disi do mate Kristus humongkop hita. Nunga dipatuduhon Debata sifat ni rohaNa, naeng ima taulahon. Dihalomohon do uhum dohot hatigoran songon aek na mardalan di portibion pamalum halak pardosa dohot padenggan budaya naung sega, termasuk ditongatonga ni huria nang na humaliang (masyarakat).
Koreksi Ibadah
Dihalaputi halak na korup, na pagosagos halak na pogos dohot halak na so marsalah do bagas joro laho pasahat pelean tu Debata huhut marariraya nasida. Ro do nasida manomba Debata marhite roha dohot tangan na jahat. Ndang dihalomohon Debata na songon i Amos 5:21-23, Huhagigihon, biasan ahu mida angka ari rayamuna, jala ndang dihalomohon rohangku angka luhutanmuna…..” Di ida Debata do dosa dohot roha nasida na jahat i. Dihagigihon Debata nasida na pagosagosa halak na pogos jala na so parduli tu patik ni Debata taringot tu na so patupa na denggan tu halak (5 Musa 15:7-8, Poda 14:31, 3 Musa 19:9-10. Sian i ma taboto ditulak Debata do pelean nasida ala so muba roha nasida.
Mangihuthon Amos 5:25, diarahon Debata bangso Israel marningot sejarah nasida tarlumobi di tingki di parhorsihan (padang gurun), dung dipaluan Debata nasida sian Misir. Saleleng na 40 taon i, parsaoran ni Debata dohot bangso Israel ndang berpusat di ritual manang pelean, alai haporsean, hasatiaon jala marsigantung tu Debata dipanarihonon ni Debata di ngolu siganup ari. Sungkunsungkun retoris on patuduhon paboa pelean ndada cara utama ni bangso Israel di padang gurun. Alai focus nasida ingkon mangihuthon panoguonNa jala mardalan di hasatiaon. Boi do dohononta dihalomohon Debata do hasatiaon dohot roha na sadalan dohot Debata, martimbanghon holan ritual keagamaan.
Tontu patut do antusanta masa dipadang gurun di turpuk on masa pembentukan Israel. Diuluhon Debata bangso Israel marhite si Musa haluar sian Misir parade manna dohot aek, huhut pasahat patikNa di dolok Sinai. Nang pe pelean na gabe bagian ni ibadah nasida, alai pelean holan pasingkop sian hubungan perhanjian ni Debata naung ditotophon tu nasida. Di tingki ni si Amos, diuba bangso Israel ma ibadah nasida gabe sistim mekanis, gabe lepas sian hasatiaan dohot uhum (keadilan). Dihaporseai nasida molo nunga dipasahat pelean nunga singkop be so pola ngolu na marpardomuan tu parenta ni Debata. Marhite ayat 25 on mangondolhon, paboa Debata manghaporluhon hubungan sian ritual. Pelean sipotongon dohot sipanganon hanya bernilai jika mencerminkan hati yang berbakti kepada Allah. Ibadah tanpa ketaatan dan keadilan tidak ada atinya.
Konfrontasi
Amos 5:26 mangkonfrontasi bangso Israel na manomba debata ganaganaan. Debata ganaganaan na disomba ni bangso Israel patuduhon naung mansai dao nasida haluar sian hubungan perjanjian nasida sian Debata Jahowa. Asa marhite sian ayat on ma tangkas taida paboa ditorui bangso Israel ala so satia nasida tu Debata. Dipasahat Debata ma panurirangon on marhite si Amos tu harajaon Israel na di Utara di tingki masa hadumaon (kemakmuran) alai sega di partondion dohot moral. Ai nangpe songon i bangso Israel patupa ritual keagamaan do di Bagos |Joro alai roha nsida dao do sian Debata. Dipamsauk nasida do praktel pagan tu ibadah nasida na sian bangso na humaliang nasida. Asa marhite ayat on ma diondolhon pangidoan ni Debata tu panombaan na eksklusif. Ndang ditolerasni Debata hasatian na marbagi manang manomba ganaganaan.
Laos taida ma muse Amos 5:27, na patangkashon tu hita naung dao nasida sian Debata di naung dihalaputi nasida manomba ganaganaan. Didok Debata ma “ jadi toguaonHu ma hamu tarbuang dao salpu sian Damskus…”Damaskus ima Asyur, bangso na gogo na laho manaluhon harajaon Utata jala mamboan rakyatna tu habuangan. Ritual keagamaan ndang be hot songon na nihalomohon ni Debata, digohi dosa nasida, jala nasida manulak tu hamuaban, ala ni i ingkon tarbuang tu Asyur. Habuangan lambang parsirangan sian tano naung dipasahat tu nasida. Uhuman on ndada holan uhuman na otoriter alai nasida do na so olo mulak Debata. Sipasingot manang lumbalumba taringot tu habungan masa ma I di taon 722 SM di tingki Asyur manaluhon Israel. Salpu ma harajaon Utara manggohi lumbalumba panguhumon ni Debata hinorhon ni dosa na sai diulahon nasida.
Kesimpulan dan Refleksi
Hinorhon ni bangso Israel na so parduli tu uhum dohot hatigoran, Debata paro paruhuman na pasuda halak na so satia tu hataNa. Margilinggiling ma songon aek uhum, jala hatigoran songon sunge na so olo marsik, mangaluntak dohot mambaorhon halak na tangkang marroha na sai mangalo Debata. Alani ima marhite turpuk Epistel on paingothon hita paboa hubungan na tulus dohot Debata ingkon do tercermin di pangalaho tu angka dongan tarlumobi patupa angka uhum dohot hatigoran. Jala ibadah dohot kegamaan na sejati ima didasari tu uhum, asi ni roha, dohot hasatiaon jala mamparbuehon parbue na tama tu perubahan ngolu saleleng mangolu. Amen.
Posting Komentar