Jamita Partangiangan Epistel Minggu 30 Agustus 2026 Minggu 13 Dung Trinitatis tarsurat di buku 2 Timoteus 4 ayat 6 - 8. Tapabagas ma pangantusionta taringot tu turpuk ni Jamita Partangiangan (Epistel) on. Hombar tu Almanak ni Hurianta dibahen ma ojahan ni Jamita Partangiangan (Epistel) "Hata ni Debata Gabe Las ni Rohangku." Rap ma hita mangihuthon hatoranganna.
Pendahuluan
1 Timoteus, 2 Timoteus dohot Titus, digoari do surat parmahanion. Boasa digoari songon i, ima ala marimpola di ruhutruhut parmahanion do surat on, ima taringot tu angka ngolu parhuriaon, parmahanion, dohot pangaramotion ni huria (pemeliharaan jemaat). Sada horong ni angka pande bisuk mandok, ia 2 Timoteus on ditongoshon Apostel Paulus hirahira taon 66/67 sian hurungan di huta Rom dung dihurunghon ibana paduahalion, ima na masa dung mulak ibana sian Spanyol (Hispania; Rm.15:28). Tarhurung do Apostel i dung ditotophon Kesar Nero ugamo Kristen songon ugama terlarang (Riligio illicita). Dilarang do hakristenon marhite rekayasa ni angka panggonggomi na di toru ni kesar i. Di tihas do halak kristen gabe dalang di balik ni hasusurbu ni huta Rom uju i. Hombar tu angka barita (tradisi), di angka partingkian i ma di uhum mate Apostel i. Jala ala nunga diboto Apostel i, na jempek nama ngoluna, di pangido ibana ma na nigoaran na “anak” (sebutan untuk Timotius, ima anakana di bagasan haporseaon; 2 Tim 1:2), ima si Timoteus asa diboan surat na badia i. Surat 2 Timoteus on ma surat na parpudi na sian Ap. Paulus di ujung ni ngoluna. Dibahen i, di surat 2 Timoteus on, dipapuas ibana do angka na adong di rohana naumbagas, na gabe poda sipatujoloon (prioritas) di pardalanan ni huria i muse. Di huria Efesus do di tadinghon Ap. Paulus si Timotius laho marhobas manguduti panghobasion ni Ap.Paulus.
Pembahasan
Molo tapamanat di 2 timotius bindu 2, didok ma surat on gabe surat pribadi ni Ap. Paulus tu si Timoteus, sahalak naposo (rekan kerja) na dianggap Ap. Paulus gabe anakhonna dibagasan haporseaon. Digurithon Apostel i do surat on, laho gabe dorongan, nasihat jala pangajarion tu si Timoteus asa tongtong marsihohot di hata ni Debata, jala margogo di namangadopi angka ragam hamaolon dohot parungkilon. Di bindu 4 on, di arahon Ap. Paulus do asa tongtong si Timoteus mambaritahon Hata ni Debata dibagasan gabengeton dohot serep ni roha. Ala nunga diboto Apostel Paulus, na ingkon ro do angka panurirang pargapgap laho mangalo si Timoteus di panghobasionna, jala mangaliluhon ruas ni huria dohot angka na porsea tu Jesus Kristus.
Ay. 6: “pasahathon nama songon pelean”. Di hata Yun. Didok “spendo”, namarlapatan “dicurahkan”. Mudar ni Apostel i “diusehon/dicurahkan” songon pelean/kurban. Nunga diboto Paulus na jempek nama tingkina. Dibahen apostel Paulus do kiasan laho manggambarhon hamateanna na ingkon ro nama tingkina. Dibereng Apostel I do dirina songon pelean siinumon, ima pelean anggur na diusehon tu Debata di Padan na Robi. Dison digambarhon Paulus do, na rade do ibana mamelehon hosana tu Kristus dohot hararat ni barita na uli i. Pandok ni Apostel Paulus “tingki haluluangki/saat kematian”, mengandung makna hamonangan do di pandok na i. Marhite hamateanna i do malua ibana sian ihot ni portibi on, jala ujung ni nasa sitaononna di pardalanan ni ngoluna dohot dipardalananna marbarita na uli. Jadi hamatean, ima hamonangan.
Di Ay. 7 ditaringoti Ap. Paulus do hatoguonna di namangadopi angka sitaonon/penganiayaan na niadopanna di panghobasionna marbarita na uli (3:10-11). Jala dipasingot ibana do si Timotius, kemungkinan ingkon adopan ni si Timotius do songon na niadopan ni Apsotel Paulus. Ima penganiayaan ala marbarita taringot tu Jesus Kristus (3:12). Jala nunga di jou si Timotius, asa tongtong satia di na marhalado (4:1-2, 5). Nunga dipasidung ibana be paraloan na denggan i, nunga hupaujung parlojonganhi jala jamot hubahen haporseaon. Jala di jou Apostel Paulus do asa tongtong di ulahon si Timotius si songon i. Dang apalang las ni rohanta molo mangadopi hamatean dibagasan habengeton dohot hasatiaon tu Jesus Kristus dohot Barita Na Uli songon naginambarhon ni Apostel i di ayat on
Ay. 8 digombarhon Ap. Paulus do sada perlombaan na balga, jala di ujung ni perlombaan i, adong tumpal/mahkota na paimahon angka na monang sahat tu garis finis (sahat tu na simpul ulaonna). Dihaporseai Paulus do, Kristus paradehon tumpal i tu angka na monang, jala ima sipahaton ni Jesus Kristus tu Apostel Paulus. Dipataridahon Apostel i do “Debata paruhum na tigor”. Mansai andul do songon na masa di tingki i, ima napinatupa ni kesar Nero, namanumpalhon dengan cara marlomolomo (tidak adil) di tingki masa pertandingan atletik di romawi, dohot diparngoluan sigannup ari di tingki zaman kesar nero. Jala dang holan tu Apostel i dipasahat Jesus Kristus Tumpal i, ima tu sude angka namanghaholongi hapataronNa i (Ay. 8b), termasuk si Timotius nang angka ruas na adong di Efesus, na sai tongtong satia sahat tu ujungni paraloan i.
Kesimpulan dan Refleksi
1. Hata ni Debata, barita tarsingot Jesus Kristus do napinasahat ni Apostel Paulus dibahen na hona hurung ibana sahat tu na mate di uhum kesar Nero. Laos hata ni Jesus Kristus do na gabe gogo di ibana mangadopi sitaonon na masa di ngoluna. Pola do sahat didok ibana, hamatean/mudarna ima gabe “anggur na ni usehon” gabe pelean di adopan ni Debata. Dang keberatan, jala dang kecewa ibana dinamasa angka sitaonon sahat tu na mate Ibana. Malah rade do ibana pasahat dirina tu hamatean i, gabe pelean na niusehon (dicurahkan) dengan sukarela dan sukacita tu adopan ni Debata. Gabe las ni roha do Hata ni Debata di angka na masa na naeng si adopanta di bagasan panghobasion ni si Timotius, ruas na di Efesus nang sahat di ngolunta di tingki on. Gabe las ni roha do di hita mangadopi angka na masa i. Marlas ni roha ma hita jala boi ma tahamuliateon siala saluhut na masa i (1 Tes. 5:18)
2. Apostel Paulus merefleksikan parngoluonna di ujung ni ngoluna, dung di dalani ibana paraloan na denggan i, dipasidung ibana, jamot jala togu haporseaonna tu Jesus Kristus, dipaima tumpal hangoluan sian Tuhan. Didalani ibana do saluhutna sian benget jala togu ni komitmen na satia tu Jesus Kristus sahat tu ujung ni ngoluna. Hamonangan na tumimbo do i di surgo na diparade nang tu hita. Jala tumpal hangoluan i ma na gabe tumpal ni angka na tongtong satia di haporseaon tu Jesus Kristus. Hamatean (ujung ni ngolu) ni angka na porsea, ima transisi menuju tumpal (pahala) na umbalga, na so boi diparade portibi on. On ma na gabe sada tantangan sekaligus inspirasi di ngolu ni angka na porsea tu Jesus Kristus laho mandalani paraloan sian portibion manghajongjonghon hata ni Debata dohot haporseaonna tu Jahowa Debata Ama, Anak nang Tondi Porbadia
3. Laho pasidunghon paraloan na denggan di ngoluon, ingkon tadalani do ngolu na didedikasihon laho manghobasi Tuhan, ramot jala satia dibagasan haporseaon na denggan. Mungkin gangguan dohot godaan duniawi rongom tu ngolunta be. Molo masa sisongon i, tongtong ma hita fokus di Hata ni Debata. Fokus tu tujuan haporseaonta, tahaol jala tahangoluhon tongtong hata ni Debata jala paloas ma Hata i membimbing pikiran, tindakan dohot keputusan ni ngolu ta on. Togu jala marsihohot tongtong tu pangajarion ni hata ni Debata jala marpangusandean tu hagogoon dohot habisuhon na pinarade ni Debata, jala pasti sude na taulahon i dang siasia. Gabe parmonang do hita dibagasan paraloan na sonson di jolonta. Amen.
Posting Komentar