Jamita Partangiangan Epistel Minggu 9 Agustus 2026 Minggu 10 Dung Trinitatis tarsurat di buku Psalmen 62 ayat 1 - 5. Tapabagas ma pangantusionta taringot tu turpuk ni Jamita Partangiangan (Epistel) on. Hombar tu Almanak ni Hurianta dibahen ma ojahan ni Jamita Partangiangan (Epistel) "Pos ma Rohamuna, Unang Mabiar." Rap ma hita mangihuthon hatoranganna.
Pendahuluan
Raja Daud do manggurithon turpuk on. Di ayat 1 i dipaboa: Ende sian si Daud. Tingki i na mangarongom do haroro ni parsoalan i manompas ngoluna (hidupnya dipenuhi gejolak dan ancaman). Ai dang holan di medan perang diadopi ibana angka musu i, alai ihut do adong ro nang sian angka donganna na di lambungna i sandiri (terjadi pengkhianatan dari orang-orang terdekatnya). Alai songon i pe, di na mangadopi galumbang ni ngolu (badai hidup) i ndang gabe menyerah ibana manang gabe mandele. Tontu songon jolma biasa pasti bukbak do taroktok ni si Daud i nang pe sahalak raja ibana na marnampuna huaso dohot hagogoon di tanganna. Alai songon i pe, ndang gabe talu ibana binahen ni biar na sai mambukbahi taroktokna i. Di partingkian i jumpang ibana do pangondian na tangkas, ima Debata Jahowa. Holan tu Ibana do marhuraja rohana. Dihatindangkon di ende na pinatutomuna on mandok: “Ibana do partanobatoanku dohot hatuaonku (Dialah gunung batuku dan keselamatanku, kota bentengku, aku tidak akan goyah). Saurdot tu si do, tema ni minggunta on manosoi rohanta mandok: POS MA ROHAMUNA, UNANG MABIAR.
Pembahasan
Dibuhai raja Daud do psalmen on dohot panindangion na tung mansai gara situtu (pernyataan yang sangat berani) mandok: Tu Debata sambing do marhuraja rohangku, sian Ibana ro hatuaonku (Hanya pada Allah saja kiranya aku tenang) (Ayt.2). Molo tasulingkit di hata aslina (Ibrani/Heber), pandohan “marhuraja rohangku - tenang” di son marlapatan do i “hohom (diam, hening)”. Ini bukan pasif, melainkan ketenangan yang aktif. Ketenangan na tubu sian roha na pos situtu paboa holan sian Ibana sambing do haroroan ni partanobatoan dohot hatuaonna (Ayt.3). Hanya Allah adalah sumber satu-satunya dari segala yang dia butuhkan, secara khusus dalam menghadapi berbagai musuh yang datang dari berbagai arah.
Dison adong tolu gombaran na binahen ni si Daud laho manggombarhon sosok ni Debata di haporseaonna. Di salinan mar hata Indonesia tumangkas dipatorang, ima: gunung batu, keselamatan, dohot kota benteng. Gunung batu manggombarhon sada na so tarpaorot, na so tarhutur (melambangkan sesuatu yang tidak bisa digeser, tidak tergoyahkan). Naeng hatindangkononna di si ima paboa di partingkian na mansai rongking situtu, Debata Jahowa ma ojahanta na mansai togu (Allah adalah fondasi kita yang kokoh). Na paduahon, gombaran haluaon (keselamatan), patuduhon na so holan sian mara di pardagingon on sambing hape hita tarbahen malua bahenon ni Debata, alai dohot do malua sian sude suhi ni parngoluon i, laos tarmasuk ma di si sian mara na tu partondionta. Na patoluhon, gombaran “kota benteng”, on ma sada inganan pangondian na mangondingi hita sian serangan musu. Perlindungan yang kuat, sebuah tempat di mana kita aman dari serangan musuh.
Sian pandohanna: “Sadia leleng on do hamu martahop dompak sada baoa, tung luhut hamu naeng mangarumpakkon ibana songon dorpi ni jomba, songon parik na matompas?” (Ayt.4), tangkas diboto raja Daud do na sinangkap ni angka halak na di lambungna i, ima angka penghianat i, alai sian pos ni roha situtu aha ma didok ibana tu dirina? On do: aku tidak akan goyah. Boasa? Ala dang marhuraja ibana holan tu roha dohot pingkiranna sandiri; Dang holan hagogoon ni tanganna diasahon, alai marhuraja tu Debata sambing do jala mangasahon hagogoonNa na tuk mangalinggomi i. Ia tahu, selama ia berpegang pada Tuhan, tidak ada yang bisa menjatuhkannya sepenuhnya. Di panatapanna, songon dorpi ni jomba (dinding yang miring), songon parik na matompas (pagar yang hendak roboh"—rapuh, tidak stabil, dan berbahaya) do angka penghianat i naeng mangarumpakhon ibana. Tumangkas didok: “… mamasumasu ia pamanganna, hape mamburai do ianggo rohanasida di bagasan” (Ayt.5). Mereka adalah orang-orang bermuka dua: di luar mereka berbicara manis, tetapi di dalam hati mereka penuh kebencian dan kebohongan. Alai tung na songon i pe modus ni angka penghianat i, dohot togu do rohana mandok: aku tidak akan goyah. Harapan Daud ada pada Tuhan, bukan pada janji-janji manusia atau situasi yang tampak baik.
Kesimpulan dan Refleksi
Ndang adong sian hita on na lias sian angka na mambahen hita busisaon (kegelisahan). Resah dan gelisah, ninna parende i. Jala na busisaon on marhombar balok do i tu na holsoan (kuatir). Tua dan muda, kaya dan miskin, na bonapit dohot na hapit, sude do boi disonggopi panghilaaan busisaon on. Aha mambahen busisaon? Ragam ma i. Boi do songon na nidok ni ende Pop Batak i (Mardua holong).
“Arian nang borngin i sai busisaon rohangki, Boha do ujung ni hubunganta hasian Sai hurimpu do ito setia ho saleleng on. Hape na mardua holong dipudingki…”
Busisaon ibana, sotung naung mardua holong do itoan i. Sayang ninna tu son, sayang ninna muse tu san. Sayang di san, sayang di son. Jadi tudos tu penghianat ma goaron dongan na di lambung na sisongon i. Tuson didok setia, tu sada an mengobral cinta, nda ninna do di ende i?. Tamba ni i, boi do busisaon ala na sai mamingkiri artana. Jadi ndang holan na so mar arta na busisaon. Umbusisaonan dope angka na marnapuna arta i. Busisaon rohana ala jotjot sai dipambuati parninja boras ni sawitna i. Hinorhon ni i gabe ndang marhasonangan rohana. Na deba adong do busisaon tu lompaon parbodarianna. Aha ma allangon? Ia soi, ise ma allangon? Holan marsahit ibana, ise be manarihon na ringkot di jabu on?, ninna rohana sai manginongi. Na deba busisaon ala so marna marhasohotan do gellengna, ia so i nunga tung leleng marrumatangga, alai laos so mangabingabing dope. Busisaon do angka na matua (lansia) mamingkiri ngoluna. Boha do nuaeng, lewat dope sakelendernai? Apalagi dung dibege donganna nga parjolo, andigan nama nuaeng giliranku? Ninna ma di bagasan rohana. Sai marloboklobok ma andorana i. Jala molo raja Daud di turpuk on, busisaon ibana ala adong penghianat manang musu di lambungna.
Angka dongan, ndang na curiga hita tu dongan jolma. Palias i. Alai memang tung so boi do jolma gabe parsigantunganta. Molo pe boi gabe perlindungan manang haposan, tetap do adong keterbatasanna. Siala ni i ma nuaeng ditogihon par Psalmen on hita asa holan tu Debata sambing ma rohanta marhuraja. Diudut ni turpuk jamita on dipodahon raja Daud do mandok: Sai marhaposan tu Ibana ma tongtong nang hamu, ale dongan jolma! Usehon hamu ma rohamuna tu joloNa, Debata do haposanta.
Dihaporseai par Psalmen on do paboa kunci ketenangan ni ngoluna ima Tuhan i. Dos songon nidok ni Endenta na di No. 213: Dung Sonang rohangku dibaen Jesus i. Ditogihon par Psalmen on do hita nuaeng agar terus belajar bergantung hanya kepada Tuhan saja. Ai Ibana do parsigantunganta. Tuhanlah satu-satunya yang membuat hati kita tenang dan tentram. Membuat perasaan kita tenang. Ndang busisaon situtu be hita, nang pe marsorinsorin arsak i ro. Dialah harapan kita satu-satunya. Dialah gunung batu satu-satunya. Dialah tempat kita mencurahkan segala isi hati kita. Mangusehon sude na ponjot di rohanta i.
Nda jotjot do panghilalaanta on sai songon aek na sirnip manang bendungan na meluap? Sembarang waktu boi do tumpah. Molo nunga songon i ingkon adong adong curahan ni aek i manang haambolonganna. Molo ndang, olo do gabe pultak bendungan i. Songon i do nang ngolunta on. Ala ni ponjotna, ndang tarhatahon be. Naeng nidok tu dongan, mabiar iba sotung dipaboaboa annon tu halak gabe tamba ilaniba. Hape ia sai pinompom, olo do gabe pahatophon struk. Antong tu ise nama paboaon? Tu ise nama alualuhononhon na ponjot di roha on? Jamita on mandok tu hita: Tu Debata ma giling holsomi. Angkup ni i, di Psalmen 37: 5 didok: Pasahat ma dalanmu tu Jahowa jala haposi Ibana, asa Ibana paturehon. Itu artinya, kita tidak bisa lagi meninggalkan jam-jam doa, jam-jam ibadah kita bersama Tuhan. Ingkon lam tatambai nama frekwensi ni parjumpangan i. On ma dalan haruar (solusi) na ditawarhon ni par Psalmen on. Antong sai dipargogoi Tuhanta ma hita mangulahon hataNa on, Amen.
Posting Komentar