wvsOdYmDaT9SQhoksZrPLG0gYqduIOCNl12L9d9t
Bookmark

Jamita Partangiangan Epistel Minggu 8 Juni 2025 - Joel 3 ayat 1-5

Jamita-Partangiangan-Epistel-Minggu-8-Juni-2025-Joel-3-ayat-1-5-Ulaon-ni-Tondi-Parbadia-tu-Angka-na-Porsea

Jamita Partangiangan Epistel Minggu 8 Juni 2025 Minggu Pentakosta 1 tarsurat di buku Joel 3 ayat 1 - 5. Tapabagas ma pangantusionta taringot tu turpuk ni Jamita Partangiangan (Epistel) on. Hombar tu Almanak ni Hurianta dibahen ma ojahan ni Jamita Partangiangan (Epistel) "Ulaon ni Tondi Parbadia tu Angka na Porsea." Rap ma hita mangihuthon hatoranganna. 

Pendahuluan 

Kitab Joel na nigurithon ni Nabi Joel bin Petuel sian Judea, na gabe sada panurirang tu bangso Israel. Tona na naeng dipasahat ni panurirang Joel tu bangso Israel i ma angka peristiwa-peristiwa na naeng masa di ari na naeng ro, seruan asa bertobat suang songon i bagabaga tu angka pemulihan na sian Debata dohot bagabaga taringot tu hauuse ni Tondi Parbadia dohot tanda halongangan. Kitab on digurithon hatiha bangso Israel mengalami hasusaan na mansai balga. Ala ni penjajahan ni Persia sekitar tahun 597 dan 586 SM, harajaon ni Jedu dihancurkan oleh Raja Nebukadnesar, sian angka na masa i Panurirang Joel mandok adong do sada panghirimon na balga sian Debata tu angka bangsoNa, na digombarhon songon parngoluan na imbaru taringot tu angka material (jasmani) manang tu keadaan spiritual (rohani). 


Advertisement - Scroll untuk terus membaca postingan.

Pembahasan 

Bagabaga taringot tu Hasasaor ni Tondi Parbadia on, gabe sada aspek penting na universal manang ndang terbatas holan di sadasada halak manang suku, artina mencakup luhut lapisan ni angka jolma. Taringot tu Hasasaor ni Tondi Parbadia na binaen ni Debata, mambahen angka perubahan sian aspek spiritual asa tung boi mangolu di bagasan partondion/ haporseaon na berkualitas. Turpuk on sangat berhubungan do tu nubuatan ni Jesus tu angka siseanNa paima so nangkok Ibana tu banua ginjang (Ulaon ni Apostel 1 : 8). Adong sada perintah asa marpungu angka siseanNa i di na laho paimahon Tondi Porbadia na tampak marhite dila ni api na marjillamjillam, disonggopi nasida (Ulaon ni Apostel 2) i ma na didok ari palimapuluhon manang Pentakoste. 


Huaso ni Tondi Parbadia di Ngolu ni Jolma (ayat 1 - 2) 

PangusehononHu ma TondingHu tu nasa Sibuk, TondingHu "Roh-Ku" dalam Bahasa Ibrani רוּחִי֙ (rū·ḥî) patuduhon Tondi ni Debata. Ulaon on na patuduhon bahwa Debata do na langsung mengulahon holongNa i tu bangso i, marhite Tondi na tu ganup jolma na so marnida tingkatan, jenis kelamin manang angka jabatan khusus, asa tung boi bangso i mangolu di bagasan PatikNa nang marhite Tondi i, boi mangalehon bisuk, hapistaran di na laho mangulahon angka ni halomohon ni Debata. 

Marhite Tondi na diusehon tu nasa sibuk, adong pemulihan nang pertobatan marhite pembaruan secara holistik na mencakup jasmani nang rohani (spiritual) tu angka bangsoNa. Sian on, tarida ma huaso ni Tondi Parbadia di ngolu ni jolma i ma, na parjolo, gabe manurirangi ma angka anakmuna dohot borumuna, adong sada aksi i ma "manurirang/ bernubuat, bahasa Ibrani wə·nib·bə·’ū dengan akar kata naba, yang berarti bernubuat atau melakukan tindakan kenabian yang menyangkut pemberitaan tentang kehendak Allah kepada manusia atau menyampaikan pesan Allah. Manurirang i ma ulaon na sian Jahowa tu angka umat/ manusia na dikehendaki Debata, na so mananda jenis kelamin, jabatan dohot angka lan na asing. 



Na paduahon, "marnipi ma angka sintuamuna, jala maralatan ma angka dolidolimuna," na patuduhon inklusif (keterbukaan) ni Jahowa berkomunikasi tu angka jolmaNa i marhite angka akses na lebih luas marhite angka ulaon ni Tondi. Penglihatan atau "ḥez·yō·nō·wṯ" merujuk tu pengalaman visual sian Jahowa na melampaui batas pemahaman manusia biasa yang mengungkapkan rencanaNya dan kebenaranNya kepada umatNya. Di saluhutna i ulaon ni Tondi mamboan jolma i gabe mangolu di bagasan hatigoran, jala gabe boi manurirang, mambaritahon angka ulaon na denggan sian Jahowa. 


Tanda Halongangan ni Debata (ayat 3 - 5) 

Hari Tuhan dalam Bahasa asli י֣וֹם יְהוָ֔ה "yō·wm Yah·weh" na merujuk tu ari penghakiman dohot angka pemulihan sian Debata Jahowa. Dalam Bahasa Yunani didok ma i "ἡμέρᾳ τοῦ Κυρίου" "Hēmera tou Kyriou" na marlapatan "Hari Tuhan" na berhubungan tu tanda halongangan na binaen ni Debata dohot angka pembaharuan nang haluaon tu angka na Porsea. Sian ayat 30 digombarhon do tanda halongangan na gabe simbol ni angka elemen tu ari panguhuman, i ma mudar (darah) na marlapatan adong "pertumpahan darah". Ala ni angka parporangan nang panguhuman ni Debata, "api" melambangkan angka penghancuran/hasesega ni angka portibi on, dohot "timus na marsijongjong" na dipahami sada tanda penghancuran secara total dohot angka bencana alam. Angka simbol on, sering do dipangke angka panurirang di angka kitab-kitab na asing i ma sian panurirang Jesaya (Jesaya 13 : 9 - 10) dohot Hesekiel (Hesekiel 32 : 7 - 8) dohot angka nubuatan na asing taringot tu ari parpudi (akhir zaman). On manggombarhon songon dia intervensi ni Jahowa secara langsung tu panguhuman ala ni ketidaktaatan manang dosa ni jolma i. 

Perubahan "kosmik" melambangkan sada kekacauan na mansai balga (universal) na masa menjelang ari parpudi "penghakiman akhir". Muba do mata ni ari gabe haholomon jala bulan gabe mudar, i ma sada simbol na patoranghon adong perubahan na mansai drastis, kekacauan na balga. Sian angka teks apokaliptik, matahari dohot bulan sering do digombarhon sebagai tanda perubahan di ari na naeng ro sogot, isarana angka bencana alam, parporangan na balga na boi mengguncangkan dunia na mambahen mabiar nang tahutan. Fenomena na digombarhon panurirang Joel on, merujuk tu momen eskatologis, na pataridahon huaso ni Debata na marmulia na mengintervensi secara langsung, manguhumi nang paulihon saluhut bangsoNa. Di sada sisi mansai hansit jala ngeri do tu angka pardosa, na so satia tu Debata, alai di sisi na asing, gabe sada dalan haluaon do tu angka na satia tu Debata. 

Alai nasa na manjou goar ni Jahowa, malua do, frasa on mengandung sada panghirimon na mangolu do di angka na setia jala na manghabiari Ibana. "Barangsiapa" (alai nasa), patuduhon haluaon i ndang holan di bangso Israel, alai tu ganup bangso nang houm na adong di portibi on (universal) na dikembanghon di bagasan jamita ni si Petrus di ari Pentakosta na mandok "Jadi disi ma malua ganup na manjou goar ni Tuhan i" (Ulaon ni Apostel 2 : 21). Makna "manjou goar ni Jahowa" ndada holan secara verbal, alai na ingkon do mardongan angka parulaon na denggan, jala satia mangolu di bagasan Jahowa, artina adong haporseaon na togu tu Ibana na mangalehon gogo nang haluaon. Holan Jahowa Debata do na tuk mengalehon haluaon tu ganup bangsoNa. 


Advertisement - Scroll untuk terus membaca postingan.

Kesimpulan dan Refleksi 

Ulaon ni Tondi Parbadia di bagasan ngolu ni ganup jolma na porsea, sian turpuk on Joel 2 : 28 - 32 i ma mencakup: 

1. Hauuse ni Tondi Parbadia i ma sada tanda adong era na baru taringot tu relasi ni hajolmaon dohot Jahowa, na so terbatas ruang dan waktu suang songon i ndang dibatasi pemimpin ni ugamo dohot malim, usia, gender manang status sosial. Jala on patuduhon huaso ni Jahowa boi mamangke manang ise pe gabe dalan patuduhun hauso nang hamuliaonNa. 

2. Haroro ni Tondi Parbadia mamboan sada pembaharuan manang transformasi secara radikal tu parngoluan ni halak na porsea marhite angka parnipian, maralapan (penglihatan) nang gabe manurirangi (bernubuat). Tondi i na mengarahkan/menuntun jolma i asa boi memahami rencana ni Jahowa sian marhite hubungan na intim jala setia tu Jahowa Debata. 

3. Tondi Parbadia mangalehon gogo nang habaranion di na laho bersaksi/manurirangi. Di bagasan konteks "hari Tuhan yang sangat menakutkan", jala marhite Tondi i gabe togu haporseoan ni angka na porsea di na laho menghadapi tantangan ni zaman, jala boi parsidohot gabe agen perubahan secara intelektual nang spiritual (rohani). 

4. Tondi Parbadia manogunogu asa tongtong marpanghirimon na mangolu tu Jahowa, asa manang ise na manjou goar ni Jahowa, mandapot haluan nang hangoluan. Tung godang pe angka proses pemurnian sian Jahowa, marhite panogunoguon ni Tondi i, saluhut angka na porsea tung na boi do setia jala marpanghirimon/marhaporseaon na togu tu Jahowa. 

Ala ni i, ulaon ni Tondi Parbadia di ngolu ni angka na porsea tung mansai penting "holistik dohot transformatif", ndada holan sekedar tambahan alai gabe sada hagogoon na mamboan, manogunogu, memberdayakan ngolunta, terutama di bagasan gejolak nang ketidakpastian ni portibi on. Tondi i ma na gabe sumber hagogoon nang panghirimon di angka na porsea. Amen. 


Catatan: 
Semua iklan yang terdapat pada website dan tulisan ini tidak ada hubungannya dengan timothysaragi.com. 

Dapatkan update artikel terbaru dari timothysaragi.com. Mari bergabung di Channel WhatsApp atau "timothysaragi.com Artikel Update", caranya klik link https://whatsapp.com/channel/0029VapB7ASBVJlBihjSSW2q, kemudian join. Atau di Channel Telegram, caranya klik link https://t.me/timothysaragicomupdate, kemudian join. Anda harus install aplikasi Telegram terlebih dulu di ponsel. 


Posting Komentar

Posting Komentar