NARASI KAMIS PUTIH - Timothy Saragi

NARASI KAMIS PUTIH 

Penjelasan Singkat

Kamis Putih adalah peringatan saat Yesus mengadakan Perjamuan Malam terakhir bersama para muridNya. Pada malam itu Yesus juga membasuh kaki para muridNya (Yohanes 13:1-20). Yesus menunjukkan bahwa Ia datang ke dunia ini sebagai hamba yang melayani. Yesus memberikan teladan kepada para murid agar mau merendahkan diri dan melayani sesama. 

Banyak hal yang bisa kita pelajari dari Kamis Putih. Kita bisa belajar tentang pelayanan, kerendahan hati, kebersamaan dan kesederhanaan. Selain itu, kita bisa mempelajari bahwa Yesus dalam kemanusiaannya bisa merasakan kesedihan. Dalam Kamis Putih, kita juga tahu bahwa Yudas Iskariot mengkhianati Yesus. Peristiwa-peristiwa yang terjadi selama Kamis Putih, adalah:

1. Perjamuan Kudus.
2. Pembasuhan kaki para murid.
3. Yesus berdoa di Taman Getsemani.
4. Yudas Iskariot mengkhianati Yesus.
5. Petrus memotong telinga seorang prajurit dan Yesus menyembuhkannya. 

1. Bagian Pertama 

Mandapothon Pesta Paska i, nunga diboto Jesus naung ro tingkiNa manadinghon portibi on laho mandapothon Ama i; gabe songon panghaholongiNa di angka na di Ibana na di portibi on, laos songon i do dihaholongi nasida ro di ujungna. Di ari parhobasan parjolo pesta Paska i didapothon siseanNa ma Jesus, ninna ma: “Tu dia ma patureonnami di Ho panganon Paska i, dipangido rohaM?” Dung i ninna Jesus ma mandok nasida: “Laho ma hamu tu huta i, disi bongot hamu, pajumpang ma hamu dohot sada halak siboan partuaehan; ihuthon hamu ma ibana tu bagasan jabu na binongotanna. Dok hamu ma tu nampuna bagas i: ‘Tona ni Guru i tu ho: Di dia do inganannami, asa mangan Paska i Ahu rap dohot angka siseanHu?’ Dung i patuduhononna ma tu hamu bilut parginjang sada na lumbang, naung hinembangan; disi ma pature hamu.” Jadi laho ma nasida; jumpang nasida ma songon na pinaboaNa i tu nasida, jala dipature ma Paska i. 

Bapak/ibu dapat menonton videonya di bawah ini. 

Asa dung dapot tingkina, hundul ma Ibana rap dohot angka apostel. Dung i ninna ma mandok nasida: “Mansai masihol rohangKu naeng mangan birubiru Paska on Ahu rap dohot hamu tagan so songgop dope sitaononHi. Ai Hudok ma di hamu: Na so tupa panganonHu be i, ia so dapot hagogokna i di harajaon ni Debata.” 

Jadi di na mangan i nasida, ninna ma: “Situtu do na Hudok on di hamu, sada sian hamu naeng pasahathon Ahu.” Tong do nian ujung ni Anak ni Jolma i songon na tarsurat hian; alai marjea do halak na pasahathon Anak ni Jolma i. Tagonan unang ma sanga tubu ibana tu hasiangan on.” 

Jadi masiberengan ma angka sisean i, jut ma rohanasida, manang ise na nidokNa disi. Alai adong ma sada sian angka siseanNa i, na hundul jumonok tu Ibana, haholongan ni Jesus i. I ma dihilap si Petrus, jadi ninna ma mandok ibana: “Sungkun ma, ise i na nidokNa i.” Jadi dipadonok ma tu lambung ni Jesus mandok tu Ibana: “Tuhan, ise i?” Gabe dialusi Jesus ma: “Ia tusi Hulehon na santopik na husornophon on, i ma ibana.” Jadi disonorphon ma santopik, dilehon ma tu si Judas Iskariot anak ni si Simon. 

Jadi dung dibondut i, dibongoti sibolis i ma ibana. Dung i didok Jesus ma tu ibana: “Humatop ma ula siulaonmi!” Jadi di na mangan i nasida, dihindat Jesus ma roti, dipasupasu ma, diponggoli jala diparlehon ma tu angka siseanNa, huhut ma didok: “Jalo hamu ma, pangan hamu, dagingHu do on, na nilehon humophop hamu; ula hamu ma i, bahen parningotan di Ahu!” 

Songon i do dihindat nang panginuman, dung sun nasida na mangan i, didok ma mauliate, dilehon ma tu nasida huhut ma didok: “Sude hamu manginum sian i, mudarHu do i, mudar parpadanan i, na niusehon humophop hamu, bahen hasesaan ni dosa.” 

Alai Hudok ma tu hamu: Na so tupa be inumonHu olat ni on sian parbue ni hau anggur i sahat ro di ari sogot; disi ma inumonHu na imbaru rap dohot hamu di harajaon ni Damang.”

Dung sun nasida mangan, hehe ma Ibana, ditanggal ma ulosNa, dibuat ma basahan, ditapolhon tu Ibana. Diusehon ma aek tu sambong, dung i diburi ma pat ni angka siseanNa, diapusi ma dohot basahan na tinapolhonNa i. 

Dung i sahat ma Ibana tu si Simon Petrus, jadi didok ma mandok Ibana: “Tung Ho ma ale Tuhan mamuri pathu?” Dung i ninna Jesus ma mangalusi ibana: “Ndang diantusi ho pambahenanHon na tu ho anggo nuaeng; muse pe botoonmu i.” Dung i didok si Petrus ma tu Ibana: “Matua tano on ndang burionMu pathu.” Dung i ninna Jesus ma mangalusi ibana: “Molo so burionHu ho, ndang partohap ho di Ahu.”

Dung i ninna si Simon Petrus ma: “Ale Tuhan, unang ma holan pathu, dohot ma tangan dohot ulungku.” Gabe didok Jesus ma tu ibana: “Halak naung maridi i, ndengkon be burion, ai nunga sude ibana ias. Naung ias do anggo hamu, alai ndang luhut hamu.” Ai ditanda do sipasahat Ibana, umbahen na didok: “Ndang saluhut hamu ias.”

Asa dung diburi Jesus patnasida dipangke ma muse ulosNa, hundul ma Ibana, didok ma tu nasida: “Ai diantusi hamu do pambahenanHi tu hamu? Digoar hamu do Ahu Guru jala Tuhan, jadi ture do pandokmuna disi; ai i do Ahu tutu. Asa molo Ahu, Tuhan jala Gurumuna mamuri patmuna, tama ma nang hamu masiburian pat. Ai sitiruon do Hulehon tu hamu, asa dibahen hamu songon naung Hubahen i tu hamu. 

Na situtu do na Hudok on tu hamu: Ndang umbalga anak somang sian indukna, ndang sumurung suruan sian na marsuru ibana. Molo diboto hamu i, martua ma hamu mangulahonsa.”

2. Bagian Kedua 

Jadi dung diendehon nasida ende pujipujian i, ruar ma nasida laho tu dolok Jetun. Disi ma didok Jesus tu nasida: “Saluhut do hamu naeng targasip mida Ahu di na saborngin on, ai na tarsurat do: Lombutanhu ma parmahan i, gabe marserak ma birubiru na sapunguan i. Alai dung hehe Ahu sian na mate, joloananHu ma hamu tu Galilea.” Hamu angka anaha, sangombas nari nama Ahu rap dohot hamu. 

Dung i sahat ma Jesus rap dohot nasida tu Porlak Getsemane. Jadi didok ma tu angka sisean i: “Hundul ma hamu jolo dison, saleleng disan Ahu martangiang.” Dung i ditogihon ma si Petrus dohot anak ni si Sebedeus na dua i, dung i gabe marsak situtu ma Ibana jala bobonosan. Jala didok ma tu nasida: “Mansai marsak situtu do rohangKu, hira na mate do. Dison ma hamu, dungo rap dohot Ahu.” Dungi laho ma Ibana saotik tu jolo, dipatungkap ma bohiNa tu tano martangiang, ninna ma: “Ale Amang, namun na tarbahen, salpuhon ma siinumon on sian Ahu! Alai tahe, unang marguru tu rohangKu; rohaM do.” 

Baca juga! 

Epistel Kamis Putih 6 April 2023 - 2 Musa 24:1-8 

Dung i mulak ma Ibana tu angka siseanNa, jala tarpodom do nasida didapot, jadi didok ma tu si Petrus: “Ndang margogo hamu hape dungo rap dohot Ahu nanggo sangombas? Dungo ma hamu jala martangiang, asa unang hamu bongot tu pangunjunan, ai na girgir do nian tondi i, alai gale do ia daging.” Dung i laho ma Ibana paduahalihon martangiang, ninna ma: “Ale Amang, molo so tarbahen salpu on, nda ingkon Huinum, sai saut ma lomo ni rohaM.” Alai diida Ibana ma surusuruan sian banua ginjang i, na margogoihon Ibana. Jala diparungkilonNa i, lam digogo ma martangiang; jadi songon mudar na himpal do madekdek hodokNa i tu tano. 

Dung i di na ro i Ibana tu angka siseanNa, tarpodom muse ma nasida didapot, ai mansai dokdok do salibonnasida. Jadi ditadinghon ma nasida, diulakhon ma laho martangiang patoluhalihon. Dung i didapothon ma muse angka siseanNa i, jadi didok ma: “Datdatanmuna dope modom dohot maradian? Nunga dapot tingkina nuaeng, sahat ma Anak ni jolma i tu tangan ni pardosa. Hehe ma hamu, laho ma hita. Ndi, nunga, ro na pasahathon Ahu.” 

Baca juga! 

Jamita Kamis Putih 6 April 2023 - Lukas 22:14-23 

3. Bagian Ketiga 

Alai diboto si Judas siparjehe i do inganan i, ai jotjot do marpungu tusi Jesus dohot angka siseanNa. Ia si Judas i, diarahon ma angka soldadu dohot angka naposo ni sintua ni malim, didapothon ma tusi mantat sulusulu, palito dohot sinjata. 

Alai nunga dipabotohon parjehe i hian partinandaan tu nasida, ai didok do: “Ia i na huumma, Ibana ma i; i ma tangkup hamu.” Diboto Jesus do saluhut na naeng songgop tu Ibana, jadi ruar ma Ibana, didok ma tu nasida: “Ise do na jinalahanmuna i?” Gabe ninna nasida ma mangalusi Ibana: “Jesus, halak Nasaret i do.” Dung i ninna Jesus ma mandok nasida: “Ahu do i.” Pintor didapothon si Judas ma Jesus, didok ma: “Tabi di Ho, Guru.” Laos diumma. Alai ninna Jesus ma mandok ibana: “Marhua ho tuson, Anggia?” O Judas, pangummaon do hape dibahen ho, pasahathon Anak ni Jolma i?” Dung i diulahi ma muse manungkun nasida  “Ise do na niluluanmuna?” Jadi didok nasida ma: “Jesus, halak Nasaret i do.” Nunga Hupaboa tu hamu: “Ahu do i.” Dung i sumurut ma nasida, angka martinggangan ma tu tano. “Hira na dompak panamun do hamu hehe, marpodang jala marlombutlombut manangkup Ahu. Ariari do Ahu nian hundul mangajari di bagas joro, so adong ditangkup hamu Ahu.” 

Dung i ninna Jesus ma: “Asa molo Ahu dilului hamu, loas hamu ma laho angka on!” Ia si Simon Petrus marpodang do, i ma disintak jadi ditampulhon ma tu naposo ni sintua ni malim i, jadi dipisikhon ma pinggol siamun ni si Malkus. Dung i ninna Jesus ma mandok si Petrus: “Pasarung podangmi!”

Dung i ditangkup angka soldadu dohot induknasida ro di angka naposo ni Jahudi ma Jesus jala diihoti. Jadi ditogihon ma Ibana jumolo tu si Hannas, i ma simatua ni si Kayapas, sintua ni malim di na sataon i. 

Dapatkan update artikel terbaru dari timothysaragi.com. Mari bergabung di Channel Telegram "timothysaragi.com Artikel Update", caranya klik link https://t.me/timothysaragicomupdate, kemudian join. Anda harus install aplikasi Telegram terlebih dulu di ponsel.