Jamita Minggu 2 Maret 2025 Minggu Estomihi tarsurat di 2 Musa 34 ayat 29 - 35. Tapabagas ma pangantusionta taringot tu turpuk ni Jamita on. Hombar tu Almanak ni Hurianta dibahen ma ojahan ni Jamita "Papatarhon Sondang Hamuliaon ni Debata." Rap ma hita mangihuthon hatoranganna.
Pendahuluan
Andorang turpuk on, molo tapamanat tung tangkas do tarida na berinteraksi (manghatai) Jahowa tu si Musa. Secara ringkas, boi dohonon dipaboa Jahowa angka uhum na gabe aturan di tongatonga ni bangso Israel, mulai sian mandakdak dua lei batu na imbaru, sahat tu aturan pelean di ari raya Paska (ayat 10-25). Laos saluhutna i mangondolhon hamuliaon ni Jahowa do.
Nunga dipapatar Jahowa hamuliaonNa tu bangso i marhite si Musa. Ala ibana do na gabe wakil ni bangso i na laho manghatai dohot Jahowa secara langsung, atik pe adong batasan-batasan tertentu. Sungkunsungkun na boi muncul sian turpuk ni Jamita on asa lam tahangoluhon, i ma: 1) Andigan do boi marnida hamuliaon ni Jahowa? 2) Boha do interaksi ni Jahowa di tingki si nuaeng on molo binereng sian momentum parjumpangan ni si Musa dohot Jahowa? 3) Songon dia do hita mangalapati Estomihi (sai Ho ma na gabe partanobatoan di ahu) molo pinadomu tu turpuk Jamita on?
Pembahasan
Hamuliaon ni Jahowa (ayat 29-31)
Ndang diboto si Musa naung marsinondang sisik ni bohina, ala naung manghatai ibana dohot Debata, alai sian i do boi jonok bangso i tu tanda naung binahen ni Jahowa tu si Musa. Ingkon parhatoponta do, angka na pinamasa ni Jahowa tu si Musa, i ma tanda interaksi ni Jahowa tu ibana. Laos i ma na patandahon sinondang ni Debata. Sian i boi idaonta bahwa adong do simbol-simbol na binahen ni Debata tu angka na pinillitNa laho papatarhon huasoNa. Sian simbol na binahen ni Debata, boi do tong gabe patandahon na berinteraksi hadirion dohot hamuliaonNa marhite angka tanda manang simbol i. Di angka partingkian si nuaeng on, boi dohonon torop do angka simbol na patandahon interaksi ni Debata tu hita.
Molo taida sian habatahonta, simbol na boi talapati sebagai hapataran ni interaksi ni Debata di hita, isarana: Dalihan na Tolu. Ala simbol do on secara gambar, i ma: tungku nan tiga, jala mansai ringkot do on di halak Batak, i do umbahen posisi ni Dalihan na Tolu on gabe filosofi manang pedoman hidup. Ingkon boi do hita manghangoluhon bahwa sian habatahonta i pe, marhite dalihan na tolu gabe bagian sian hamuliaon ni Jahowa do i di hita halak Batak. Ala, nunga dibuktihon Debata, marhite simbol do Ibana papatarhon hamuliaonNa i tu bangso i. Alai, ingkon ingotonta do, ingkon manat do hita mamereng angka simbol simbol na adong di budayanta na maralo tu lomo ni roha ni Debata.
Pasahathon Hata ni Debata (ayat 32-33)
Na ringkot tagarisbawahi sian na dua ayat on i ma pandohan: Dipatolhas (ayat 32) dohot tolhas hata i (ayat 33). Molo terjemahan Bahasa Indonesia didok: Disampaikannyalah (ayat 32), selesai berbicara (ayat 33). Singkop do hata ni Debata na jinalo si Musa dipasahat tu bangso i. Godang do halak na patolhashon Hata ni Debata, alai ndang sae, manang ndang tolhas hata i. Mungkin ala biar ni roha, manang ala ni angka alasan na asing. Alai, sian turpuk on, gabe parsiajaran do di hita, ingkon tuntas do tapasahat angka Hata ni Debata.
Molo sebagai natoras manjaha panorangion on, boha tuntas do hita pasahathon Hata ni Debata tu ianakhonta marhite angka poda? Jangan-jangan, ndang tuntas. Na mangihut, molo sebagai parhalado, boha tuntas do hita pasahathon Hata ni Debata marhite panghobasionta? Jangan-jangan kita setengah hati.
Taida ma, tuntas do Debata pasahathon HataNa tu hita marhite AnakNa Jesus Kristus (Johannes 1:1) sahat tu na mate tarsilang Ibana. I do umbahen didok Ibana di hau parsilang i: Nunga Marujung. Na patandahon tuntas ulaonNa i, selesai. Ala ni i, molo nunga tolhas Hata i (selesai berbicara) Ibana tu hita marhite haluaonta i, nda hita pe ingkon selesai do pasahathon HataNa i marhite angka ragam ni uloanta naung pinasahatNa?
Mandapothon Jahowa Partanobatoan i Marhite Roha na Ias (ayat 34-35)
Di na dipasisi si Musa panghuphupi i, na patandahon roha na ias do i. Jala sian i ma hataridaan ni Jahowa na gabe partanobatoan di hita. Holan sian roha na ias do boi hita manghangoluhon i. Ala ni i tung songon dia pe borat ni pergumulan na taadopi, ingkon hangoluhononta do na Tuhan Jesus naung mate tarsilang i do na gabe partanobatoan di hita.
Tung torop do di partingkian si nuaeng on na menyodorhon asa gabe partanobatoan di ngolunta, isarana: sihumisik, pangkat dohot na asing. Alai disosoi turpuk ni Jamita on do hita: holan Jesus do na gabe partanobatoan di hita, ndang adong na asing.
Kesimpulan dan Refleksi
1. Ganup tingki do hita boi marnida hamuliaon ni Debata. Jala hamuliaonNa na singkop naung tangkas tahangoluhon, i ma: Jesus Kristus.
2. Sian ulaonta si ganup ari do dalan ni Debata berinteraksi tu hita. Molo sebagai natoras, pabotohonon ni Debata do dia dalan na dumenggan laho patupaonta tu angka ianakhonta. Tahangoluhon ma paboa bagian dari jalan Tuhanlah untuk berinteraksi dengan kita ketika kita memiliki peran dan tanggung jawab sebagai natoras. Songon i nang peran na asing na adong di hita di ngolunta si ganup ari.
3. Panghangoluhonon Estomihi di partingkian si nuaeng on, i ma: holan Jesus do na boi mambahen hita bertahan laho mangadopi angka tantangan na tabolus. Ala Ibana do partanobatoanta. Marhite Ibana do dapotta haluaon si salelenglelengna i.
4. Na gabe perenungan di hita. Olo ma hita songon si Musa na gabe parhitean ni Debata laho pasahathon HataNa tu humaliangna. Jala ingkon sahat tu na singkop do tapasahat Hata ni Tuhan i. Amen.
Posting Komentar