Jamita Partangiangan Epistel Minggu 1 September 2024 Minggu Pasampuluopathon Dung Trinitatis tarsurat di buku Mateus 15 ayat 1 - 9. Tapabagas ma pangantusionta taringot tu turpuk ni Jamita Partangiangan on Epistel di Minggu 1 September 2024. Hombar tu Almanak ni Hurianta dibahen ma ojahan ni Jamita "Mangaradoti Huhut Mangulahon Nasa Uhum ni Jahowa Debata." Rap ma hita mangihuthon hatoranganna.
Pendahuluan
Sian opat evangelium di Padan Naimbaru, boasa ingkon evangelium Matius di uduran parjolo Ndada pola tangkas nian alus taringot tu sungkunsungkun on. Alai saotikna adong 2 pamingkirion nanaeng sipasahaton taringot tu sungkunsungkun i.
Na parjolo, taringot tu haunuron dohot hagugunon ni evangelium Mateus molo tinilik sian ilmu hapanuraton. Gungun do panurat evangelium on mangarangkom angka isi ni bukuna. Isarana, jamita di dolok dipapungu di bindu 5, 6 & 7. Udutna di bindu 8 & 9 tajaha taringot tu ulaon ni Jesus pamalum angka na marsahit. Bindu 10 manarıngoti haboborhat ni angka sisean i uju ditongos maralohon angka tondi na hodar. Unur do dipaboa disi angka goar ni ssisean na borhat i. Di bindu 23 digurithon disi angka hata (pandohan) ni Jesus tu halak PARISI. Di bindu 24 & 25 taringot angka ari parpudi (Parousia). I do umbahen humatop do luluan angka impola pangajarion ni Jesus di evangelium Mateus.
Na paduahon, hadodon ni evangelium Mateus tu angka pamingkirion, pangajarion nang hasomalan ni halak Jahudi di Padan Narobi. Godang panghataion disi marmula sian hasomalan ni halak Jahudi. Tung mansai tangkas do isarana bindu 1 (parjolo) pintor manaringoti tarombo ni Jesus. Songon sada hasomalan ni halak Jahudi na sai lomo rohana manulingkit tarombo, songon i ma Mateus mamuhai baritana. Dang pola diharingkorhon evangelium na deba laho manaringoti si songon i, alai ianggo Mateus mamintor i do parjolo. Jala tung tangkas do diboto huhut diantus Mateus pingkiran & adat Jahudi tarlumobi halak Parise tahe. Laos di situasi si songon i do turpukta di ombas on.
Pembahasan
Ayat 1-2
'Sibotosurat dohot Parise' i ma 2 horong parugamoon na sai jotjot manaon jorgong pargasipan tu Jesus. Sai jotjot do ro sungkunsungkun nasida tu Jesus taringot tu na tarsurat i nang taringot tu patik ni Musa. Pola do ro nasida sian Jerusalem holan laho manaon jorgong gasip tu Jesus asa marutang hosa Ibana. Busisaon do roha nasida di haroro ni Jesus laho mangajari angka natorop i. Mardomu godang pangajarion ni Jesus maralo tu hasomalan nang lomo roha ni halak Jahudi (sibotosurat & parise) 'Boasa dilaosi angka siseanMi adat ?... dang marburi... Adat siang angka natuatua manudu tu adat parburion di na laho mangan. Ndada alani haiason nidokna dison, tung adat na marpardomuan tu ritual sambing do. Diaturhon do disi piga hali tahuon ack tu tangan siamun manang sihambirang pe. Partording ni manguschon ack parburian i pe diaturhon do. Sandok tung mansai jamor do nasida disi. Hurohz, tarsor do angka sisean i dang marburi uju laho mangan. On ma tingkina laho pautanghon Jesus, ninna rohanasida. Boasa dang marburi laho mangan songon adat hasomalantai? Hira i do nuaeng sungkunsungkun nasida tu Jesus.
Ayat 3
Dipabalik sungkunsungkun tu halak na ro sian Jerusalem i. Alai dipanangkok ianggo impolana. Dipaadop Jesus tu adat (hasomalan ni angka natuatua) a patik ni Jahowa. Jotjot do talu angka sibotosurat dibahen Jesus mamangke dalan (metode) sisongonon. Sai dipersoalhon nasida angka na remet (metmet) alai Jesus mamatamatahon angka na umbalga (nasumangap).
Ayat 4-6
Dipatorang Jesus patik taringot tu na pasangap natoras. Paboa ingkon pasangapon ni sahalak anak do natorasna (amangna & inangna). Angkup ni didok na mamurai amana dohot inana sipusaon do i. Di parngoluon siapari masa do dang pola pasangapon (anturehonon) ni sahalak anak natorasna molo dung dipasahat gogo ni mangurus natoras gabe pelean. Muse didok 'pinelehon ma ragonan na patut bian pangurupingku di bo. Hape nian tanggung-jawab ni anak do natorasna di tingki partuaonna. Ingkon pauliulion ni sahalak anak do natorasna dung matua sahat tu hatatanomna. Alai puluk do roha ni angka sibotosurat & parise mandok na so pola be pasangapon ni anak natorasna molo dung dipasahat angka naringkot hian laho pature natorasna gabe pelean.
Godang do pelean masuk tu parpotian di bagasjoro sian dalan na so sintong. I do umbahenna muruk Jesus tu angka pangalaho parpeleanon na so sintong i. Suhatsuhat hajolmaon sambing do dibahen manimbang uhum ni Debara Jahowa. Manang baliksa, patik ni Debata dibahen manghuphupi tanggung-jawab hajolmaonna. Songon i ma parsuharna umbahen gabe dang mamolin roha ni hajolmaon mangula patik ni Debata. Didok Jesus di ayat 6: "Gabe disegai hamu do patik ni Debata dibahen adarmuna i".
Ayat 7-8
E hamu pangansi', ninna Jesus maminsang parise & sibotosurar. Pangansi (Gorik hupokritai) ima jolma na mandok hatarna haruar sian simangkudap alai maralo tu rohana sandiri. Pamanganna pasangaphon, alai rohana paleahon. Nunga tung tangkasi dihatahon panurirang Jesaya, laos i do dienet Jesus laho pasingot nasida (pat. Jesaya 29: 13)
Ayat 9
Magopo didok Jesus ru pangalaho sisongon i. Pangalalho na pasangap Debata marhite poda (adat) ni jolma. Patik ni Jahowa Debata do sipodahononhon laho pasangap Tuhan i. Ai adat hajolmaon marhapatean di dirina sendiri, alai patik ni Jahowa nioloan laho manghaholongi huhur pasangap Debata di bagasan Kristus, gabe hatuaon nang di hajolmaon.
Kesimpulan dan Refleksi
Di bagasan patik ni Jahowa do dapot hita sangkap dohot loma ni rohaNa. Jotjot nai antong tapahantus patik ni Jahowa marhite adat ni hajolmaon. Pigapiga sian adat ni hajolmaon padao hita sian sangkap hatuaon ni Debata. Nang tung mansai somal itabege nuseng di huria: "Tole ma na tahasomalhon on pe angka na denggan do", ninna. Hape jotjot do pangago i ro sian 'hadengganon".
Angkup ni i ingkon marhiras ni roha do huria mangalo angka adat hajolmaon na maralo tu lomo ni roha ni Kristus. Nunga lam ro tingkina marsadaroha hajolmaon on patupa adat 'nadenggan nang pe papudi uhum ni Debata. Itabereng ma angka dongan jotjotna i hasintongan ni Debata tinggang alani mihimmihim (pesrekongkolan) patupa hasomalan (adar). Taradoti huhut taulahon ma Patik ni Kristus i, Amen.
Posting Komentar